2016年1月25日 星期一

蛇王合蛇店

近期寒流襲港, 葵涌早上只有 2.5, 自出娘胎未試過在家也要穿羽絨, 在香港有天寒地凍的感覺還是第一次, 阿媽話食蛇保暖喎, 即去附近的蛇王合食蛇羹兼做外賣妹。

蛇王合蛇店在家附近, 做街坊生意為主, 裝修欠奉, 店內放了數張圓檯, 店舖在葵興開了很多年, 常常經過門前, 但一次也沒入去, 可能我呢隻為食猫自小對蛇蟲鼠蟻及野味等食物完全不感興趣, 今天實在太凍, 也想試試看坊間流傳食蛇暖的說法是否正確。



蛇店必備的蛇櫃, 把蛇分門別類。


除了蛇羹, 店內還有蛇酒、蛇湯、龜湯、臘味糯米飯
及忠頭客飯等供應, 套餐價格合理。


蛇羹+臘味糯米飯套餐$65


蛇羹
蛇羹由蛇湯再配木耳絲、蛇肉及猪肉絲制成, 喜歡這店的蛇羹較稀, 最怕吃糊狀的羹物, 呷一口湯羹, 帶清雅的陳皮香, 完全沒有陳皮的苦澀味, 蛇湯很濃香, 每檯還有一合無限量供應的薄脆, 蛇肉軟彈, 木耳爽口, 再加上香口薄脆, 這碗蛇羹很美味。


好足料, 老闆好大方, 一碗放了很多大大片的蛇肉。


臘味糯米飯
糯米飯普通貨式, 飯與飯之間太親蜜, 水份過多, 變得軟腍黏口, 欠煙韌口感, 臘味反而幾好食, 臘腸油香, 潤腸軟綿甘香。


到底坊間流傳食蛇是否保暖? 親身証實是正碓的, 還能活血點解咁講? 自己諗答案吧, 哈哈哈


2016年1月24日 星期日

2.2度的香港

係香港幾十年未試過係屋企要穿羽絨, 屋企日間2.2, 夜晚應該跌到落 0.



香港也有掛冰




鳳凰山上的冰霜




2016年1月20日 星期三

糖佰府定糖百府?!

都話女人有2個胃, 一個載食物, 另一個食甜品架啦, 明明話晚餐食得好飽, 轉個頭見到甜品店又話想食, 天呀 >>> 我又怎能獨善其身呢


會否在九龍城關係? 很多明星也來吃, ! 男神王宗堯也來吃過, 唔知佢食左乜呢?





提拉米蘇 ($34)
哈哈原來tiramisu 既中文名係咁, 我唔鐘意 cream 狀甜品, 只是攞了朋友一匙試吓, still don't like 這種形態甜品.



椰皇紫米湯丸
味道唔太甜, 作為飯後甜品, 份量還是重了些.
>  


法式玉桂蘋果批 ($35)
老板娘推介點都要比個面試一個, 批皮焗得焦黃, 好鬆脆, 蘋果夠腍, 甜酸度適中, 玉桂味較輕, 個人比較鐘意食濃些玉桂味, 我提意老板娘可加多點玉桂, 原來這裡很多時一家大細飯後來吃甜品, 小朋友不愛太重的玉桂味, 為迎合大小朋友可以一齊食, 老板娘下玉桂份量調整過, 我說……既然每份甜品即叫即制, 那可以落單時順便問問客人, 喜歡吃輕玉桂定重玉桂味, 那麼窩心的服務, 相信客人一定 buy.


心太軟 ($40)
這是我的選擇, 賣相可愛, 食甜品, 一口熱, 一口冷, 冷熱交錯最過癮, 多種雪糕味道供選擇, 我想心太軟應該配朱古力味的雪糕比我叫的綠茶更合襯, 失策。


切開有流心效果, 食落有皮脆內軟口感, 朱古力味夠濃夠香滑, 不錯。


香蕉窩夫加雪糕 ($30)
男士果然食量比女士勁, 還食得落這麼大份量的窩夫, 生果更選了勁飽肚的香蕉, 怕佢食得太飽辛苦, 我地義氣仔女來幫他個忙吃了點, 窩夫軟彈煙韌, 連朱古力漿同食, 朱古力濃而不太甜, 份量之大, 對女士而言, 免食不了造成浪費, 同朋友分甘同味較好, 個人對飽肚的甜品沒興趣甜品還是既好味又食極也不飽的才算上品, ~~~~  


其實我最想食佢地既榴槤甜品, 食過的朋友說不錯, 一月份不是榴槤當造季節, 所以寧願留待 7-8月再來一試。

平均消費 : $30-40

越級海鮮牛牛之夜@火鍋頭

朋友講開九龍城近期有間不錯的火鍋店, 仲講明佢地既牛肉很正很可取, 問我有無興趣一齊去食, 本是牛魔王的我, 雙眼即時放晴, 何時? 就是這樣速成今次的牛魔王飯局。




醬料有12, 按個人口味隨混。





今次分2, 叫了2個鍋底.
猪骨猪肺湯 奶白色, 飛象過河飲左碗, 好濃香.


花膠冬瓜濃雞湯
用半隻雞、花膠、冬瓜、蟲草花、娃娃菜等熬制, 湯頭好清甜香濃, 冬瓜及娃娃菜的清甜中和了雞的油膩感, 加上花膠的膠質, 飲落滑口.


花膠頗厚吓




炸魚肚



招牌手打瀨尿蝦牛丸
看得到的肉汁, 肉丸很濕潤, 凈牛肉肉質會偏硬, 混會合了水份較高的瀨尿蝦肉瀨尿蝦肉, 丸汁大大提升, 真估不到瀨尿蝦同牛肉咁夾, 集海鮮鮮甜及牛肉爽口彈牙一身, 一絕.



手打芝心蝦丸
爆汁, 香濃軟滑的芝士汁, 澎湃地湧出來, 芝士汁用新鮮蝦肉包住, 鮮甜度大大提升, 香滑的芝士汁跟爽口彈牙的鮮蝦肉, 一次過滿足2個要求, 真爽。





墨魚油炸鬼
油炸鬼好脆, 我就咁食, 無放落湯碌.


鮮魚標偏腥, 可免.


淨水墨魚
墨魚本身的味道唔太特出, 所以不是我愛吃的.


聖子皇
大隻過隻碗, 食海鮮我喜歡食每種海鮮本身獨特的鮮味.




特級手切安格斯肥牛 ($238)
擺得好靚呀, 後面還有朵花花的, 牛肉油花平均滿佈, 肉色嫩紅帶光澤, 好誘人呢, 忍不住要咬你食你了, 咁既質素賣$238, 取價合理.
=EN-US>, 有咬口又唔韌.





頂級本地手切肥牛 ($288)
另一碟牛牛也來了, 這碟色澤偏深紅色, 油花亦明顯比安格斯肥牛, 還擔心會否好嚡? 不然也, 這碟本地手切肥牛跟安格斯肥牛最大分別是口感及肉味, 本地手切肉味較濃兼有嚼勁, 安格斯肥牛則偏向淋滑, 個人選擇, 我就鐘意本地手切, 最好當然是2碟一齊來。



刺身拚盤
要食刺身去極尚大喜屋吧



只記得呢個海哲頭超爽脆




沙巴龍躉
即叫即割, 原條上檯, 看得見的新鮮, 肉質爽脆, 鮮味十足.



黑松露墨魚滑
一舨, 下次會試其它魚滑.


亦是我愛的海鮮, 很肥美, 無論打邊邊定豉汁蒸, 一樣咁好食.



鯇魚片 ah 蛇要叫, 從來不是我杯茶.


埋單 : $450/每人, 超級滿足的一餐, 真材實料, 調味輕手, 唔會死鹹, 味道以食材原味帶出, 追求食材真味的人會好 buy, 價錢亦算合理, 手打丸堅好食。