2010年6月30日 星期三

人…點都要豪一次@維園泳池餐廳

地址 : 銅鑼灣興發街維多利亞公園泳池側

消費 :  $191 /

大熱天時有冷氣位, 梗係唔坐 E 度啦,

冬天又唔拘, 泳池景, 有好野睇

 

蝦子鮑片 

 d 鮑汁正, 精華在於生菜, 撈汁食, 好味道.

火焰羊架 

 著住火上檯, 幾有趣, 好似羊架仲係度烤緊咁.

羊架係有 d , 但羶香味同羊脂十足, 10個得,

如果鐘意食羊必試.

芝士釀蟹蓋(伊麵底)

蟹蓋嘩啦嘩, 裡面有蟹肉及其他配料, 好味, 伊麵卻……汁太杰, 伊麵太淋, 芝士味不香.

 

>>>>>>>>大家見到, 未食己尖叫,

大碗粥呀>>>>>>>

阿拉斯加大蟹粥 

 如果 d 粥煲得再棉 d 兼放少少腐竹落去煲,

就真係做足 100 分嘞.

蟹腳肉質爽口有蟹鮮味, 估唔到隻蟹剪

開有成 2 大碟, 夠我地 18 隻蝗虫食有餘.

百合腰果西芹花枝帶子 

 呢個簡簡單單炒粒粒, 點知幾特出,

好多食友都話好食.

>>>>>>聲再起,  2 大盤勁大龍蝦海鮮湯

龍蝦有糕o, 可能龍蝦味落晒係 d 湯度,

又或者龍蝦煲完湯原故………

其實龍蝦肉食味 ma ma , 仲有 d 嚡口.

不過兜湯就不得了, 先講講有咩湯料, 除左龍蝦,

仲有番茄, , 帶子, , 聖子, 花甲等,

口湯鮮甜到不得了, 我飲左 3-4, 好滿足,

份量之大, 足夠 18人每人灌3 , 都仲有剩.

櫻花白雲扒碧綠

~~~~~個名又改得幾有詩意, 食物都有內涵,

蛋白炒得清香嫩滑, 個人好 buy 呢味.

 

清蒸大金鈾

咁大條魚用o黎清蒸,

肉唔夠滑一滑在所難免, 還可以吧.

南瓜露

南瓜味唔出

 

呢班友仔真係超級大蝗虫oo,

我已經飽到上喉嚨, 還是受不住魔鬼的誘惑,

去食甜品, 最難得係個個都仲食得落,

食力真係大到得人驚, 強呀!

我叫了榴槤豆腐花, 略嫌榴槤唔夠多, 唔夠臭.

同友人的榴槤雪糕冰剛相反,

雪糕冰超級香濃猫屎, 勁臭, 下次要食呢個.

 

回味指數  :  9 (10 滿分)

淨係個龍蝦海鮮番茄湯己價回票價, 好鮮甜, 仲有食友們的興奮同開懷食相, 令今次回味指數勁高.

2010年6月27日 星期日

失望肺湯@新志記

地址 :  太子運動場道1號地下

訂坐電話 : 2380 3768

消費 : HK$84/

 

南北杏菜膽燉豬肺湯

好淡的菜水, 徹底失望, 完全無杏味.

反而海底椰雞腳燉螺頭湯好飲好多, 最少似番個湯.

 

沙薑雞半隻 

 ok 咁啦

椒鹽鮮魷 

 炸得好香口, 依家係惹味餸, 如果比人話唔好食,

咁間食店都執得.

豉汁蒸鱔 

 鱔蒸得嫩滑入味, 成餐飯最鐘意呢味.

西芹XO醬炒象拔蚌 

 唔係好覺自己食左象拔蚌 TIM :(

波羅咕嚕肉 

 硬左些少, 好彩甜酸度適中, 味道唔錯.

泥鯭粥 

 湯底差少少, 無咩魚味.

炒蜆 

 份量都幾多, 豉味夠香, 無沙.

骨髓三鮮

香橙骨 

 骨排既淋又入味, 比咕嚕肉好食得多.

生炒糯米飯 

 其招牌食品, 之前睇 openrice 無人彈過, 唔知點解我地今次去食…… L 糯米飯炒得唔夠乾身, 唔煙韌……勁失望.

鮮魷菇芥蘭花

送的木瓜糖水, 算有誠意, 好多料.

 

回味指數  :  6 (10 滿分)

可能係期望越高, 失望越大, 覺得一般, 沒想像中好食, 仲有大熱天時出街食, 最攞命係食店冷氣唔夠, 邊食邊流汗, 依間真係熱到流得汗出的, 夏天呢間入硬冷宮.

2010年6月20日 星期日

荷花世界2 天美食團 [下]

6月20日下午
話咁怏又係荷花世界待左幾粒鐘,
跟住去蘆苞鎮食 LUNCH.
可惜無時間入條舊村度睇睇,
應該係條好有懷舊 FEEL 的村落.
敦煌海鮮舫 (RMB1200/23人)
ADD : 佛山市三水區蘆苞鎮北江大堤
TEL : 0757-87234328
食店附近環境
右手邊那舊物體, 大家估吓係乜東東???
雞籠也, 雞雞唔好意思, 陣間要食你既鄉里 LU.
食店天台在晒魚干
E兜雜魚湯香濃到不得了, 好有鮮魚味, 10個正.
河蝦係細隻左 D, 卻鮮甜肉實.
呢個魚肉丸好食到不得了, 爽口彈牙,
獨食最少 10 粒.
雞雞要食你喇, 原來依家大陸鮮雞都幾貴,
要成 RMB80 隻, 多人食 SHARE 番 OK 啦.
魚干蒸茄子 - 好多魚干兼走骨, 唔係太多
人欣賞呢味, 相信又係我食得最多.
呢味魚肚從來都係搶食餸, 只有唔夠食,
未試過食唔晒, 呢次算係一次例外,
魚肚分量極多之故.
爙鯪魚又係好味之選.
飯後毒品, 令你上癮為止.
唔上癮有鬼, 齋睇個輪盤己經心跳加速,
我個心卟卟跳呀.
海鮮之所以新鮮, 全因食店在海上, 即叫即錨上來.
食飽飯, 下一站…………… 深圳洪湖,
無錯又係荷花, 以後可能見到荷花都打冷震.
深圳洪湖
荷花是洪湖公園的主題花卉。公園利用二、三級湖廣植荷花、睡蓮和其他水生花卉,面積達100多畝,品種100多個.
同荷花世界比較, 依度 d 荷花好有距離感,
令人沒舉機的動力.
[[不肯嫁春風]], 是什麼意思呢??
難道要嫁荷花?? Really don't know.
小朋友, 咩暗號呀??
停留 1 小時, 大家對洪湖的荷花都好冷淡………
不如早 d 閃去食晚飯啦, 格局幾豪的酒店,
好彩價錢合理 ( RMB1200 / 19人)
鮮淮山排骨煲, 淮山好粉, 好入味.
係呀, 又係雞呀, 返大陸唔食新鮮雞對唔住自己呀.
瑤柱茄子煲鍋 – VERY NICE……好香,
真係連汁都撈埋.
酸辣魚 – 酸辣度夠, 食得過癮.
木盤魦喉豬紅 –  魦喉其實係猪喉, 有 D "壓" 味,  NOT GOOD, 反而豬紅滑流入味, 唔錯, 最後先上, 份量又多, 食唔晒, " SIDE"左好多.

遊後感:
呢團話明係攝影團, 我攞住部 DC 仔照跟, 好彩都無令我失望, 凈係海上鮮個餐都值回票價.

荷花世界2 天美食團 []