香草焗羊架

759 16枝 NEWZEALAND 羊架特價後 HK$231, 咁抵, 買啦, 759真係價廉物美, 打破超市越賣越貴, 食水深的慣例, 希望再有多些類似 759的兢爭者, 那消費者才不至成為貪得無厭商人的魚腩 .

材料 :

羊架 4枝、香草、海鹽

制作 :

1.      羊架洗淨吸乾水份, 用香草、海鹽醃2小時, 醃過夜更好.

2.      預熱光波爐, 放羊架以低架用220度焗7分鐘, 反轉再焗5分鐘即成, 8-9成熟, 唔見血又 juicy.

  

兒童節...芝士波波

材料 :

(1) 糯米粉 110g

(2) 木薯粉 15g

(3) 芝士粉 45g

(4) Salt 1/4茶匙

(5) 蛋 1隻

(6) 冇鹽牛油溶液 40g

(7) 牛奶 60-70ml

制法:

1. (1) & (2) 過篩後加入 (3) 至 (6)拌勻

2. 逐少加入 (7)搓成不黏手的麵團（視乎麵團成形情況，
    不一定要全部放入牛奶)

3. 之後搓成小圓球 12 個放入光波爐 (180°C預熱)焗15-20分鐘即成.

好鬼難食, 又硬又散, 搵到新食譜係超軟版芝士波波, 得閒再試新野先.

意大利海鮮薄餅

餅底材料

高筋麪粉125克 、溫水65毫升、酵母/砂糖各1茶匙、油1湯匙、幼鹽1/4茶匙、手粉適量

餡料：

蝦仁/魚柳粒/蠔/魷魚絲各100克、軟芝士/硬芝士各4湯匙、番茄醬125毫升、彩椒（切絲）/洋葱（切圈）/蘑菇（切片）各10克 (PS : 請盡量跟番提供材料, 我今次改左用菠蘿, 鮮蕃茄, 洋葱及雜海鮮, 結果菠蘿, 鮮蕃茄焗出水來, 攪到個底淋左無咁脆)

醃料：鹽/黑胡椒碎/白酒/香草各1/2湯匙

調味料：鹽/香草/黑椒碎各1/2茶匙

做法

1.高筋麪粉過篩，下溫水、酵母、糖、幼鹽、油，用手拌勻，搓成軟滑麪糰，蓋上保鮮紙，置室溫發酵1小時至2 1/2倍大。

2.枱上撒上手粉，放上麪糰，用酥棍碾開成10吋大的圓形，置室溫半小時，用叉在麪糰上刺滿小孔。

3.將麪糰放在鋪好錫紙的焗爐上，放入預熱至230℃焗爐，焗8分鐘，取出成薄餅皮。

4.蝦仁、魚柳粒、魷魚絲、蠔、鹽、香草、黑胡椒碎、白酒拌勻略醃，放滾水中汆水後盛起。

5.薄餅皮上抹上番茄醬，撒上半份軟芝士、半份硬芝士、彩椒絲、蘑菇、洋葱圈、海鮮，再下餘下的軟芝士和硬芝士、鹽、黑椒碎、香草，放入預熱至230℃焗爐，焗10分鐘，取出即成。

雖然可以隨意加鐘意食材, but…. 工序實在太多, 想食….都係外賣好了.

脆爆肥媽燒肉

做法 :

腩肉洗淨用猪插狂插猪皮, 然後用粗鹽大力擦猪皮一陣, 吸乾腩肉水份加鹽, 五香粉搓混腩肉 (猪皮除外), 腩肉用碟盛起, 猪皮向底, 放少許水浸住猪皮部份, 用保鮮紙封存 3 小時 or 過夜, 燒前1小時從雪櫃拿出來先解凍, 吸乾水份, 皮向下250度放光波20分鐘, 反轉猪皮向上再波20分鐘, 途中睇吓爆皮情況…有需要轉轉位 or 加減時間, 不同厚度及size 有所不同. (p.s. 用高架)

今次皮爆得好靚, 亦夠脆脆, 不過就唔夠之前做的鬆化, 下次 mixed 2 種方法可能會而更好.

兼有肉汁

光波食品如同 bbq, 有致癌物, 少食多滋味, 多食壞肚皮.

食平 d 燒味重溫 : http://mytv.tvb.com/foodandtravel/goodcheapeats/145864

簡單好味香草燒雞

材料 : 冰鮮雞一隻

醃料 : 香草, 海鹽, 黑胡椒粉少許

洗淨雞, 抹去水.

加香草, 海鹽, 黑胡椒粉擦雞,

雞肚內及雞外每個位置都要擦到醃料,

用保鮮袋袋好醃2個鐘至入味, 我通常醃過夜.

雞胸向上光波爐250度焗 15分鐘後掃蜜糖再焗5分鐘,

然後反轉雞250度焗15分鐘, 掃蜜糖再焗5分鐘,

用快子插雞脾, 易插入即熟. (p.s. 加高圈放高架)

第一次燒全雞, 今次撞手神, 夠味又唔鹹., 燒雞保留肉汁.

網上見好多人跟肥媽做法,

放薯仔紅蘿白無低下吸收雞汁,

個個話薯仔紅蘿白好味, for me 幾好食都係假…..

試想想…呢碟汁(油)食晒落肚…多可怕.

蘋果批 (7吋批盤)

第二次焗…批皮比第一次加重左份量都唔夠用, 所以下次一定要加大批皮份量, 皮好鬆化, 餡味道ok, 可以用黎焗蛋撻.

黑色字為原本食譜, 試左2次後, 用粉紅色字為建議份量.

材料：

批皮： 牛油 70g (80g), 低筋麵粉 120g (180g),   砂糖45g (50g),   冰水 5ml (我無加, 用蛋代替),   蛋 22g (40g ) .

餡：  蘋果1顆切粒 (2個),   砂糖 40g (35g, 糖先加25g按個人口味慢慢加),    粟粉 1小匙 (2小匙)  , 肉桂粉3/4小匙 (可按個人口味慢慢加至夠味), 牛油10g (10g).

做法：　

1. 牛油和低粉，輕輕用手指搓至麵包糠狀，再加入糖拌勻。倒入冰水及蛋醬，搓混.

2. 覆蓋保鮮紙，放進雪櫃雪至少1個鐘 (15-20分鐘便可)至完全冰涼。

3. 取出麵糰，分成2份，桿成圓形薄片，放進6吋 (7吋) 派盤裡，整理服貼之後，有多出的麵皮用手摺疊在批邊即可。用叉子在批皮上刺孔，另一張麵皮也桿成一樣大小。(ck : 底部麵皮要厚小小, 我今次太簿, 承托力唔夠)

4. 餡：煲內放入蘋果粒，混合砂糖、粟粉及牛油拌勻，煑至蘋果淋身，將肉桂粉倒入蘋果片中拌一拌即可。

5. 將備好的餡料倒入批盤裡鋪平，蓋上另一張批皮，將多出來的批皮邊緣摺到底下那張批皮的下面，壓緊。在蓋好的批皮中刺孔，然後用叉子在批皮邊緣壓出紋路。

6. 蛋黃加水1大匙(份量外)拌勻，用掃子掃在批皮上。

7. 放已預熱180度的焗爐焗25分鐘。至表面金黃色即可，放在網架上待涼。

放入波光爐前樣子

清蛋糕

材料好簡單 :

蛋100g (2隻中蛋), 糖40g, 低根麵粉 40g, 牛油20g (溶)

將蛋加糖打起, 分2次加入麵粉攪混, 加溶牛油攪混,

170度焗30分鐘.

一睇就知係失敗之作, 有少許倒塌情況.

蛋糕超香蛋味, 又滑又鬆軟,

不過呢…材料好 heavy 囉, 少食為妙, 特別係牛油.

香蕉蛋糕

材料:       45g 無鹽牛油

40g 砂糖 (我用原蔗糖 30g)

                2隻雞蛋

                120g 低筋麵粉

               1/2茶匙梳打粉 Bicarbonate of Soda

                1/4茶匙發粉 Baking Powder

                200g 香蕉泥  

烹調步驟:

(1)    牛油, 雞蛋置室溫約2小時至完全退冰, 用手指可輕易壓下即可

(2)    低筋麵粉和發粉過篩備用

(3)    預熱焗爐180^oC

(4)    香蕉用叉壓爛

(5)    牛油加砂糖用電動攪拌器打勻至奶白色軟滑忌廉狀 (5分鐘)

(6)    逐隻雞蛋加入, 每次要完全拌勻才加另一隻

(7)    加入已篩好的麵粉和發粉

(8)    加入香蕉泥拌勻

(9)    倒入已鋪好焗爐紙的焗盆中, 200^oC焗約4min, 用180^oC焗約50-55分鐘至金黃色, 用牙籤插入蛋糕中央, 取出時牙籤乾淨, 不會黏上麵糊便可

(10)放上鐵架待涼

脆皮

香噴噴….等凍 d 食得

腐乳雞亦

隔晚用少許玫瑰露 + 糖 + 少許老抽 + 3 尊腐乳

同9隻撈混, 用保鮮紙封好放雪櫃.

將雞亦送高架先以250度焗4分鐘,

返轉雞亦再焗6分鐘即成.

雞亦唔乾不特止, 仲有肉汁架,

估唔到腐乳同雞亦都幾夾.