2010年5月23日 星期日

生還者@武功山 [三]

5月23日
今天坐車日, 到達宜春準備坐火車去株洲, 再轉火車去株洲西, 再由株洲西轉和諧號去廣州南, 齋講都轉到頭暈
, 更頭痕的是宜春的第一轉火車, 因瀑雨山泥傾瀉而 delay 又 delay, 最後決定不再等, 用更轉接的方法去株洲西.


坐公車去萍鄉途中的鄉郊景色, 今日坐車日又鬼死咁好天, 真吹賬
, 不過沒有這樣惡劣的天氣,
就沒有那樣深刻的體驗, 世事好公平,
有得有失咁啦.
一早頻頻撲撲, 早餐都無咩野落肚,
嗱嗱淋找個地方食點東西再轉車去株洲西.
膠袋係雨天去旅行的恩物
,  對鞋濕左會"up"得好辛苦, 係呢個時候, 套個膠袋落去, 通爽晒, 最少對腳唔會變左白皮膚.
好開放式的廚房......食店門口
簡簡單單的走油少鹽青菜更可取.
包左 2 部的士去株洲西火車站, 車程要個多小時.
時間啱啱好, 落車即飛入閘.
仲有少少時間可以影幾張株洲西火車站,
火車站是新落成的, 設計新穎, 無舊式o個 d 咁娘.
超快和諧號, 去程我地要係深圳坐9小時去株洲,
依家係株洲西去廣州南只須 2 個零鐘, 快兼靜,
偉大的祖國呵, 希望妳越來越進步,
包括言論自由.
車廂乾淨企理
話咁快就去到廣州南站
友人拍的大特寫更美, 上帝之手,
保守我地平安回來.
廣州南有旅遊巴去羅湖 (車程約 2 小時)
是日晚餐 - 蘇武牧羊
Add : 深南東路156號
Tel : 82317797


混醬 bar
淨係醬料, 每人一碟都放滿檯.
烤羊排, yummy yummy,  只係叫左一個,
每人得一條骨, 唔夠喉呀>>>>>
肥牛都幾多油花
羊肉唔羶反而唔好食, 完全唔似食緊羊肉.
爽脆黃喉
這個雜丸好睇唔好食
反而呢個炸腐皮, 正呀.

行程完滿結束, 多謝各友伴的包容.

遊後感 :
生還者之旅, 讓我深深體會到, 每個人其實都可以用個人的意志去克服固難, 只要你不退縮, 有什麼不能誇得過? 今次 9 個生還者, 真係有點搵命博, 落山前沒有先評估危險性, 我則完全信賴導遊, 心裡平安, 當時還覺得刺激好玩, 經過今次的 training, 相信對我日後面對逆境的能力, 又提高了一點點.

生還者@武功山 [三]

2010年5月22日 星期六

生還者@武功山 [二]

5月22日
經過漫漫長, 雷電交加的暴雨晚上,
以為明天會更好啦.
唓!!!! 早上起床又係咁既, 唔制呀 >!<
飯廳
吃過早餐, 準備下山 at 8.45 am.
真係咩都睇唔到, 超失望呢!
橫風橫雨, 見到小賣店立即入去混吉一輪.
濛濛矓矓的山景,
總算隱約見到少少, 好過無啦.
呢9條友仔就係今次武功山的生還者,
得8個???  1個揸機麻.
個天可能比我地感動左??  雖然落緊雨,
但有點風, 一吹………有野睇喎.
昨天98%行石梯級, 今天總算有些泥路及沙路行吓,
 行泥沙路係有 D 危險, 對腳則較舒服.
嘩! 又黎雲海呀>>>> 今次比昨天的更靚.
從沒期望過的景象………竟出現眼前,
梗係狂影啦, 不枉此行.  
好天的話, 武功山的山勢應該好靚.
話口未完, 又o黎………咩都睇唔到
閉傢伙, 今次…雨水禍及我地落山的樓梯
真係要緊握扶手, 好小心咁行,
否則一不小心被沖入大西洋.
睇番d 相, 當時情況都好激, 我仲唔識死,
一手握住鐵鍊, 另一隻手揸相機同大家影相.
還來張合照
水……來勢洶洶, 好急好險,
好彩無見"洪"咋,
唔係你地睇鬼到呢編 blog.
諗番起, 我地真係唔識個"死"字點寫,
俗語有話 : [嬉山莫嬉水.] 我地一次過嬉晒2樣,
能夠齊齊整整的上, 齊齊整整的落到山下,
感謝神.
槍林彈雨過後, 進入平靜和諧的世界.
互相扶持
休息期間, 食食吓件朱古力餅,
依……楊過同小龍女經過 ING~~~~
終於完成整個生還者訓練課程,
落到平安之地, 畢業 at 1.30 pm 
大家都肚子餓了, 食埋個午餐才去溫湯鎮.
今餐特別要求食店為我們煮武功山的特產---紫紅米, 聽說紫紅米含維生素C、黃酮類化合物、花青素、生物鹼、強心苷、天然色素、木酚素和鈣、鐵、磷、硒等微量元素,具有滋陰補腎、健脾胃、明目活血、接骨生肌、防血管破裂、止血、烏髮之功效,所含黃酮類生化合物能降低血壓,抑制癌細胞和抗癌作用, 食左佢………真係有病醫病, 無病補身.
無溝白米煮的紫紅米,
比平時在香港食的紅米軟好多, 唔錯.
食完飯, 坐 2 小時車, 便到達溫湯鎮酒店
--江西交通溫泉山莊.
溫湯鎮
位於我國生態城市宜春市南郊, 鎮內擁有800多年曆史的國內罕見的富硒溫泉,其水質可與法國著名的“埃克斯”礦泉媲美,水溫常年保持在68—72攝氏度 ,出水量3700噸/日,無色無味,可飲可浴,礦化度很低,不僅溫度高,而且含有多種對人體十分有益的鈉、鉀、鎂、碳酸鹽、硒、鋰、鍶鋅等十餘種微量元素,水療對心血管、消化、泌尿系統有明顯療效。

同尋晚比, 依度簡直係天堂.
哈~~~又影埋 D 無聊野
食飯前, 去打聽吓飯後可以有咩餘慶節目,
不外乎溫泉, 足沐, body message 等.
乜鴨呢? 唔記得 LU, 只記得好好食, 香辣惹味.
用o黎送E枝 COOL BEAR一流 
E 窩魚好得, 魚滑滑的, 湯香香的.
食飽飽, 行去今晚的餘慶節目目的地.
天沐溫泉 (入埸費 : RMB158)
泡池有六十多個不同功效的中草藥泡池,
我地浸左成2 個幾鐘, 浸吓吹吓水, 又過吓池,
計落都浸左10幾個啩?


唔准帶相機入去, 環境要睇網上的, see 好大好靚,
除左中草藥泡池, 仲有滑水梯, 熱石, body message,
泳池等設施.

生還者@武功山 [二]