潮味居系一間你行過都冇諗住入的潮州菜館, 今晚席上有朋友也有同感, 她在附近上班常經過門口, 但一次也沒入內用餐, 上openrice
又冇乜食評參考, 如果唔系朋友話去食, 自己一定唔會去, 那便白白錯過這間用心制作的潮洲菜。其實潮州菜有很多名菜, 我心目的潮洲三寶是鹵水鵝、糖醋雙面麵及反沙芋。
正宗潮洲菜館入座即奉上功夫茶, 功夫茶茶味強勁, 唔係人人受落, 我則喜歡其強而帶甘。
餐前小食
混合了猪醬肉、豆乾、蝦乾碎、青椒、菜圃及多款潮醬而成, 非常香辣惹味。
鹵水拼盤
($148)
鹵水汁香料味出,
不是死鹹派, 鵝片、腩肉、大腸、紅腸及滷水蛋鹵得入味, 吸收了鹵水汁的鹹及香, 食鹵味最怕是把鹵水汁淋上面便上檯, 食物像跟鹵水汁像 各不相干似的, 鵝片香軟, 我既至愛大腸無腥押味且炆軟腍。
紅燒佛跳牆 ($138/位上, 推廣價)
$138制作卻超認真, 用上多款名貴食材料, 例如鮑魚、魚翅、冬菇及花腸等, 扣紅燒佛跳牆的上湯底亦十分出色, 熬得豐厚味濃, 鮑魚雖不是乾鮑, 食落也有鮑魚味且夠腍, 魚翅亦可見小蔬翅針, $138 食到好味又高質佛跳牆, 超抵!
白鹵水鵝肝
($35/片)
我地問服務員有乜好介紹, 佢推介白鹵水鵝肝, 白鹵水是什麼? 孤陋寡聞, 第一次聽, 我問服務員與平時食開的花椒八角鹵水汁有乜分別, 他說材料差不多, 只是輕型鹵水汁版,
白鹵水略略焯過的鵝肝片帶點嫩紅, 入口即溶, 鵝肝鮮嫩無比, 淡淡的白鹵水香料除掃走新鮮內臟獨有的羶腥味, 亦能為鵝肝片注入豉油的輕巧鹹香, 貴得有道理, 夠特別, 值得試。
蘿白芋頭灌腸
蘿白灌腸超好食
潮洲糖醋雙面黃 ($88)
廚師今晚非常有心機煮, 煮得出色, 慢工出細貨, 廚師真係煎麵而不是油炸, 不會油淋淋, 未食過雙麵咁乾身及脆口,
加點陳醋及沙糖伴吃, 酸酸甜甜又香脆, 堅好食, 唔夠喉, 追加了一碟。
蔥香反沙芋
($78/半打)
反沙芋是我的至愛潮州甜品, 芋頭吸收了蔥花香又粉香, 包住一層脆口薄糖衣, 唔太甜, 跟我上次去潮州食的一樣好味。
