E 個係我今次既出品,
試新野…咖哩魚蛋猪皮蘿白.
今次第一次整, 友人全部做左白老鼠,
味道…Ma ma de.
特濃縮水版日式芝士蛋糕
食一舊 = 平時 2-3舊 
香草焗羊排
好想食和牛多 d……but 朋友仔話....
家陣咩都加晒價, 好貴喎.
手拍青瓜
好大個 law 友, 好吸引呀>>>
鬆軟得O黎又煙韌, 仲好香麥味...正呀,
焗爐萬歲, 可惜屋企無地方擺 >!<
香草焗雞亦
又係必食之選, 簡單好味.
韓女今次整韓式冷麵比我地食.
韓式冷麵...青瓜雪梨配酸汁...
新玩意, 夏天食, 唔錯, 爽呀.
西瓜雪耳糖水
健康之選, 中醫角度…… 雪耳養顏價值同燕窩有得揮, 但雪耳既無荷爾蒙激素, 又十分便宜.
飽飽 ^^
地址 : 佐敦彌敦道號219倫敦廣場11樓
電話 : 3156 2198
埋單 : 大約$100/人 (忘了)
麻醬青瓜
醉雞
雞完全無酒香, 好明顯…酒係後加上去,
而唔係用酒浸雞.
擔擔麵
味差唔在講, 又好明顯唔係擔擔麵囉,
好似阿媽煮比我食既平價蝦子麵.
鱔湖爆蝦
好油, 味道還可以.
炒粒粒伴飽
粒粒好惹味, 有菜脯同炒, 所以脆口, 放入麵飽食正, 得 4件飽……唔夠分, 如果改為伴生菜上, 會更好正, 一來生菜清淡爽口, 二來最少每人都有一塊啩.
瑤柱蛋白炒飯
填飽肚之選………雖則都係食唔飽……
不過咁既價錢同質素, 都係去食糖水好過.
叫碗麥米粥……仲唔飽到上心口 
食完想點 : 短期內唔會再去囉
可能我地叫個幾樣都唔係咁好食,
認真 ma ma, 最好係個飽+炒粒粒.
地址 : 尖沙咀彌敦道132號美麗華商場4樓A號舖
訂坐電話 : 2375 0800
埋單 : HK$600
小食 $50-60 一碟, 真貴.
新裝
真無理頭…川菜館以韓式泡菜做餐前小菜
淨菊花, 飲定下下火啱數o架喇, 陣間連環辣
川北涼粉
我地仲以為薯粉, 原來係毫無彈性的粉條, 粉…唔煙韌, 好諗好易碎那種, 1 D 都唔好食.
水煮牛肉
係夠辣, 唔麻呢, 牛肉煮得軟諗滑口, 斃在少得可怕, 數埋都唔知有無10 片, 配菜更少之又少, 家陣豆芽都係 $4/斤姐, 洗唔洗咁孤寒呢又.
麻辣牛腩
根多過腩, FINE WITH ME, 牛根我鐘意食, 形狀似麵既配料好正, 素晒 D 汁, 入味又彈牙, 走時唔記得問那"疑似"麵條物體係乜東東, 夠香辣, 好味指數謹次於辣子腸頭.
辣子腸頭
E 度既招牌菜, 大腸炸完再用大量辣椒乾炒, 唔油, 出奇好味, 推介, 份量又係好少.
擔擔麵
唔鐘意, 麵既不彈牙, 湯亦唔好味.
豆沙窩餅
煎得有點燶, 中間豆沙幾重手, 唔太甜.
酒釀丸子
好鬼失望, 同街邊鋪頭仔差唔多, 丸子太大粒, 成口糯米粉, 好似食緊湯丸, 酒糟酒香淡.
食完想點 : 唔想再去, 貴!貴!貴!
未裝修前, 好多年前食過, 印象中幾貴, 但又幾好食…當時, 想食多次好耐, 係香港好食川菜好難搵, E 間老字號仲捱得住, 再去一次以示鼓勵, 整體 OK 既, 又唔係覺得特別好食咁囉.
今次BBQ地點係工廠區既……六星級的家
室外泳池細到無人有, 25M游 2 下己到.
BBQ 場地綠草茹茵, 不過對正 BBQ場個3棟六星級的家…就真係多得佢唔少, 日日屋企都峰煙4起, 晚晚聞著同樣的燒炭味…我住個度……想屎囉.
自家制沙嗲串燒, VERY GOOD.
今次原來諗住以海鮮為主, 點知朋友突然間帶埋老公黎, 係咁買肉…… 我地話去街市買海鮮……佢又話夠啦……唔洗買啦……E + BBQ 女士好少食肉o架喇…可能佢結婚太耐……好久無接觸市場……唔太了解現今市場既港女……
一般大路野, 食剩好多扒.
燒完想點 :
好一個市區 BBQ 場, BBQ 一流,
秋冬要燒多次海鮮.
