2010年11月28日 星期日

台中@台灣

11月28日 (DAY 5)
台中 >> HK
想出外走走, 早了點起床, 好多店鋪未開門,
有數檔街邊賣豆漿及蔥餅, 買來試試,
味道又唔錯噃, 好鬆軟香口.

周街行左陣, 上酒店會合埋友伴, 坐公車去百貨 shopping 兼到處逛逛, 睇吓有無新大陸.
街市
目標……中友百貨夠鐘開門 go go go.
E 間百貨公司最得意係某 d 層數廁所是有主題的.
呢層.....可口可樂
呢層…在森林和原野上是多麼可愛~~~~~
呢層………小仙子o黎喇 ^^
時間唔多, 得番 20分鐘 shoping...........
台灣最後1日, 買.買.買………
台灣名牌香腸, 黑橋牌, 朋友食完後想買返香港,
的確又幾好食既, 佢 d 鳳梨酥都唔錯o架.
是日竟然有午餐, 仲係好地道 tim,
我諗住朋友唔食, 我自己都會o黎試.
我 order 了大腸臭臭鍋, 即大膓 + 臭豆腐,
TWD120/鍋, 汽水及雪糕任食, 抵到爤,
我個鍋味道仲相當唔錯.
返香港 LU
旅途愉快, 行程結束.

2010年11月27日 星期六

趕羊秀+合歡山+奧萬大@台灣

11月27日 (DAY 4)
清境 >> 合歡山 >> 奧萬大國家森林遊樂區 >> 台中 (住:瑞君商務旅館)
今天包車, 昨午己預早一天打電話比司機 double confirm 到酒店接我地既時間, 點知今天出到門口, 唔見佢部車, 望過去停車場, 有部黃的, 走過去問司機係唔係 jimmy 叫他接我地, 佢話係, 便叫他打比 jimmy 讓我 confirm 一吓, 攪錯? 1 d 都唔專業, 尋日又唔講.

因為尋日星期五, 青青草原無趕羊秀及剪羊秀睇,
所以今日睇埋先出發去合歡山.
其實個 show 無咩特別, 口水多過茶,
趕趕羊, 剪剪羊毛………
無時間可以唔睇.
睇完 show 向合歡山出發
藍天白雲, 今天天氣呵.呵.呵.
同行友人唔想行, 一心o黎到,
無奶油唔行姐, 唯有自已行囉.
況且沿途景色怡人
雲海好靚
行得越高越一望無際, no pains no gains ma.
又越過高山又越過谷………
行左 1 小時左右, 上到主峰最高點.
落山大概要半小時多
2.30pm司機問我地食唔食 lunch 我地問佢食埋飯夠唔唔夠時間玩奧萬大, 佢話奧萬大收 7.00pm, 我地諗住 5 點都天黑, 還是不食了, 跟住司機收到個電話, 同我地講奧萬大 3.30pm 不准入, 唔係話?? 於是司機係峰迴路轉的合歡山路開行 turbo, 急速轉灣, 急速殺車, 好似玩緊飄移咁, 有時仲危險爬頭,  唉!!!…結果……我首次暈車浪, 兼嘔到 7 彩.
最終 4.00pm 先到到,  5.00pm 關門,
仲睇咩鬼紅葉呀, 嘔到我7 彩都係睇唔到,
只好在門口附近拍拍照  x#yz&x#.
剛前幾天去完奧萬大的朋友報料, 奧萬大未有紅葉睇, 門前那幾棵, 己是全園最有睇頭的了.
相信他說的是這幾棵了
一心以為包車無屎啦, 有司機安排好, 我地只要專心玩便可, 點知被賣猪仔, 車開咁快都要個半鐘先去到奧萬大, 慢駛最少 2 個鐘, 咁 2.30pm 司機仲問我地食唔食飯, 有無”九菜”, 一上車己問左佢知唔知我地全日 schedule, 佢話知o架, 咁即係代表佢完全唔知車程囉, 亦完全無做包車經驗, 只係 jimmy 是旦搵部的士接待我地, 返到香港寫左個 email 比佢, 話比佢聽, 佢令我地敗興而回, 睇唔到紅葉………退款都無補於事啦, 算我地唔好彩, 希望佢以後他能明白接待客人應有的態度及客人敗興而回的失落.
Lunch 又無食, 餓過飢, 兼暈完車浪無咩胃口, 友人又話唔想去夜市食, 行左幾條街, 入左去 e 間類似茶餐食店, 我叫左個鐵板麵, 多汁成咁, 點食??? 食左幾啖真係無咩興趣同胃口食落去…… side 野都無計.
瑞君商務旅館 (NTD1560 / 4人房)
訂房專線:886-4-22235838
台中市復興路四段100號(後火車站對面)  
間房好大, 又近火車站, 4人房 NTD1,560 好抵住.
                                                           CONT'D