2009年12月27日 星期日

潮.汕大食之旅 [完結篇]

2009年12月27日

今日早晨全餐食左乜? 

魚皮餃及雲吞


西洋菜豬雜
魚旦河及淨丸
食飽坐公車去達濠古城走走, 由於車程較遠兼要轉車, 入到古城己差不多 11.00 am, 時間緊湊, 1.00pm 前要趕返酒店取行李坐長途車回深圳, 在古城只是區區停留了不足半小時, 很可惜, 看得太少.
達濠古城
街市檔口正在包魚皮餃
古城民宅
超甜多汁潮州柑 (RMB2/斤)

著名手拍魚旦 - 達濠李老二魚丸 (RMB20/人)
魚旦 RMB10/3粒, 蝦丸 RMB5/粒, 墨魚丸 RMB10/3粒, 都幾貴, 貴都要食, 來潮汕沒吃過手打魚旦及墨魚丸被人笑o架, 之後講價成 RMB20/碗, 樣樣有啲, 哈哈! 啱晒貪心的我.
魚旦又真係幾彈牙, 略嫌唔夠魚鮮味, 墨魚丸最好食, 有墨魚肉的, 有嚼頭.
蝦丸雖有蝦肉, 反而無墨魚丸咁彈牙.
睇殘餘物資, 為証明真材實料? 唔知呢?
豬肉蓮?
2.25 PM 坐車返深圳,  去到車站, 上車前再來一餐………甜品.
反沙芋好似樣, 好掂, 芋頭香且粉, ENCORE 之作.
金玉皆滿堂 – 裡面係咩? 老人痴待, 唔記得左 TIM, 仲有金銀雙柱, 即芋頭+蕃薯, 又係好正, 掛住食, 無影相.
銀杏薑薯湯 – 唔知薑薯真身點樣, 食落好爽口, 銀杏多, 好好味, 又係ENCORE 之作.
食完, 個個好甜好滿足咁上車, 4小時的車程, 因塞車坐左 5 個幾鐘, 好彩長途車的座位豪華寬宥, 坐得舒服.
大約8.30 PM返到深圳, 下住雨, 原先打算食烤羊, 手拿行李下著雨, 不想再 4圍走了, 便在羅湖商業城找間酒家吃.
梨苑酒家
ADD : 深圳市羅湖商業城 4 字樓 4238鋪

TEL : 86 755 82321611
水煮魚 – 夠辛辣惹味
其他餸菜味道不錯, 可能加了很多味僧之故吧, 回家很口渴.

黃虫橫掃潮汕3日全記錄

25/12/2009

2.30 PM 午餐
6.00 PM 茶粿
8.00 PM 晚餐 (潮州 18道)

26/12/2009

9.00 AM 早餐
9.20 AM 腸粉
11.00 AM 午餐 (齋)
3.00 PM 冒牌胡榮泉 (鴨母捻+春餅+喜餅)
3.30 PM 百年老鋪胡榮泉 (魚蛋+雲吞)
7.30 PM 晚餐 (潮州海鮮)
11.30 PM 消夜 (牛丸)
27/12/2009

9.00 AM 早餐
11.30 AM 手拍魚蛋
2.00 PM 甜品 (反沙芋+其他甜品)
8.20 PM 晚餐 (深圳梨園酒家)

遊後感 :
潮州美食果然名不虛傳,  1日食足 6 餐都唔夠, 下次再去食過.

潮.汕大食之旅 [二]    潮.汕大食之旅 [一] 

2009年12月26日 星期六

潮.汕大食之旅 [二]

 2009年12月26

早上大多數店舖都未開, 依檔老板係度包雲吞, 見好似幾乾淨, 又熱騰騰.
先來個早點 - 雲吞
行去車站搭車去潮州途中, 有野食.
腸粉 – 唔係…應該話粉皮包, 滑滑粉皮包住蝦, 芽菜等.
坐左個零鐘車, 11點幾到潮州, 食埋個午飯可以專心行景點, 即咁講啦, 點解, 睇埋落去你便知.

蓮華素館 (RMB13/人)
ADD:潮州開元廣場 C1幢 9 號 (開元寺對面)
TEL : 0768-2238033


素館不但齋好食, 經濟實惠, 館內環境很不錯.
酸甜石榴 -酸辣適中, 開胃醒神.
金銀雙拚 – 用糖炒蕃薯及芋頭, 蕃薯香甜, 芋頭鬆粉, 好好食.
                                                                     this food photo from winne
寺唔算大, 行了半小時已行完, 未到集合時間, 出去買吓手信.
老柚菜 – 睇個樣, 講到幾好都唔敢飲.
乳腐餅 – 即南乳腐餅, 裡面70% 肥豬肉, 試食完, 立即掉了, 一件不留.
老藥桔及老陳皮 – 可以即食或沖水飲, 陳皮味辛性溫, 有理氣健脾及燥濕化痰功用.
米潤 – 食落好似幼滑+煙韌版米通
老佛爺 cool cool 的看守住那些花膠
濱江長廊 (免費入場)
廣濟橋
入場要 RMB50/人, 同大家相討後, 決定唔入, 有寶咩? 橋一條, 睇吓都要比 RMB50, RMB10 就差唔多.


無講錯, 左睇, 右睇, 真係橋一條, 沒什麼特別, 唔入都無損失, 貴在建築費.
靚靚火水燈
橫巷看大街
成條村到底有幾多個牌坊? 數不清, Who knows?
行行吓橫街窄巷, 一位大叔街坊邀請一位朋友入他屋企參觀, 我咁 8, 梗係有野齊齊 8 啦.
原本好得, 做乜鬼放把電風扇係度.
Tea time @冒牌胡榮泉 (RMB5/人)
鴨母捻的材料
制成品, 鴨母捻係糖水, 內有蓮子, 湯圓, 紅棗, 蕃薯……
喜餅, 乳腐餅及春餅, 乳腐餅很少肥肉, 春餅原來係我地食開既春卷.
行左唔夠10分鐘, 又胡榮泉? 仲話自己先係百年老鋪, 又o黎? 開始懷疑我地成班生積, 黃虫o黎o架. (RMB7/人)
淨魚蛋 – 好爽口, 魚味差少少.
淨雲吞
嘩! 千層餅同喜餅好靚呀, 不過完全食唔落.
潮州市是國家歷史文化名城, 著名僑鄉.
古村處處
古屋好平, 鋪+房賣 RMB70,000, 有買趁手.
行番出大馬路便是潮州西湖.
大家瞄左幾瞄, 見咁雞, 唔入 LU, 慳番.
大約 5.00PM 坐車返汕頭去 4 季大飯店食晚飯, 先到步的朋友打聽過價錢後, 決定打退堂鼓, 成 RMB100/ 10 兩蝦, 食左識飛磨? 貴成咁, 點食? 找別家吧, 找到這家海鮮檔, 沒期望就沒失望, 這間食過後, 簡直喜出望外.

海濱海鮮 (12餸 = RMB52/人)
ADD:汕頭市金環路水仙園38-39幢之間
TEL : 88311833
這裡的海鮮幾新鮮, 仲有啲特別野食, eg 油浸蚵仔, 炸的菜包九肚魚, 鐵板魚肚等.
最正係佢煲蠔仔粥, 蠔大大隻, 又鮮甜又多.
鐵板魚肚豆腐 – 滑滑, 骨膠原對皮膚好呀.
用菜包住九肚魚再炸, 九肚魚嫩滑無骨.