2013年8月31日 星期六

再見營火蟲

5.30PM 先集合, 集合前黎個 TEA , 朋友提意意八餐廳.

 
整體食物好 OK , 又抵食.


天文台發出雷警去到 5.30PM, 主辦單位話唔取消, 有少少擔心比雷x…算啦, 唔係高地應該無事的, GO GO GO, 出發無耐, 落起毛毛雨.

行左1.5個鐘行到上黎
 

係涼亭玩完遊戲才出發, 原來營火蟲食蝸牛的.
 


去時毛毛雨, 營火蟲好少, 但回程停了雨, 營火蟲明顯多左好多, 希望香港市民環保意識越來越好, 因為大自然資源己經越來越少, 海洋生態及自然生態受盡破壞, 以前大埔坳營火蟲好多, 自從香港多左人睇到今年, 導師話個樹營火蟲機乎絕跡了, 香港人就係咁, 乜都一窩風但又唔專重大自然生態同不知不覺中破壞生態環境, 部分導師/導遊應該要送去再培訓, 至少睇營火蟲唔可以用大光燈及大聲公都要知啩? ! 係一個咁唔注重生態環保既經濟型香港生存既生物, 註定大災難啦. 


行完 9.30PM 好肚餓, 嘻嘻去消夜, 黃大仙冬茹亭榮記小炒以前食過 OK, 不過今次 !!! 除左鹹味無得頂之外, 一無事處囉, NO NEXT TIME.

2013年8月26日 星期一

肯亞坦桑尼亞資料篇+攻略篇


事前準備:
*坦桑尼亞入境要有 yellow fever 証書, 出發前10天要打, 香港衛生處有得打, 7-10月旺季最好早 3星期預約.

*由於Martin 強烈建議我地食瘧疾丸( Malaria Tablet), 我怕副作用多過染病, 一般好少打or 食預防藥物, 見佢咁 serious… yellow fever 時順便問埋醫生攞 ( $200+$275+醫生費$300=$775).

*特區護照肯亞要簽証 (USD50), 坦桑尼亞無須簽.

*safaris勁大塵同大風, 必帶口罩.

*當地天氣乾燥, 太陽猛烈, 防晒用品及保濕用品必備.

*早晚溫差大, 特別 Ngorongoro, 晚上想睇銀河同滿天繁星, 一定要帶件厚衣, 我本身唔怕凍, 所以帶左一件薄風衣跟身, 另多帶一件 Gortex 落雨時或凍時加穿, 不過呢我地有朋友件羽裓成日要出動.

*個邊有機會落雨, 雨具必傭.

*防蚊液 成個 trip 見蚊機會少之又少, 但安全起見, 還是帶埋較好.

*帶望遠鏡, 我用部相機代替.

*帶電筒, 居家旅行必備用品.

*消毒濕紙巾, 好有用, 用餐前, 補防晒 cream 時用, .. 抹完面成塊濕紙巾是黃色的, 可知幾咁大塵.

*個人用品 eg 牙膏牙刷, 毛巾, 拖鞋, 洗衣粉, 衫夾

*坐墊對我黎講好重要, 坐飛機坐車必備, 回程前 2 日開始流氣無得用, 腰骨坐到好辛苦.

* 貨幣對換 : 肯亞可在機場或銀行對換, 對換率差不多, 一般小反及商店接受 USD, KSH 不能出境, 不過以我經驗, KSH USD 抵好多, eg 我在機場買東西 KSH250 比美金要 USD4, KSH250=HK$25, USD4=HK$31, 足足貴左HK$6. 換坦桑尼亞 $ 可在過境處換, 換前問問你的司機一般對換率是怎樣, 唔好琴琴青, 因為我地做左水魚司機話...我地比市面換少左市價 30% >!<

當地實況:

*Hostel Camp 環境比想像中清潔衛生, 特別係坦桑尼亞 hostel, 又大又靚又 RAW, 在森林和原野是多麼可愛

*食物視覺衛生相當好, 至少咁多日未試過食完肚痾.

*非洲人非常有禮熱情, 亦非常守時及盡責, 我同一位朋友夜晚係 hostel 花園睇星星, 不久己有職員陪伴兼關掉燈光陪睇, 佢地驚有獅子/其他動物入左黎係度保護我地.

*非洲動物無圍牆圍住, 自由自在, 所以係任何地方(包括 camp hoste)都要注意人身安全, 不要獨自亂走, 一般 camp hostel 都有 security guides 看守.

*生的食物 eg 沙律及切開的生果不要食, 不過我都食左2, 好彩無拉肚子.

*盡量飲樽裝水

*時間要預鬆 D, 非洲人慢條斯理, 特別係煮野食時.

 
攻略篇 :

*包團 - 東非自己去唔係話唔得, 不過會有 d 難度, 安全係問題, 交通亦係一大難題, 所以我地搵左個好幫手幫我地安排 8 safaris , 8天團都有普通團同 luxury, 我地揀左普通8天團, 除左最後那天交通安排及坦桑尼亞司機 FRESH D, .住及 safaris 司機等安排都幾滿意, 當然你亦可以為自己度身一個超級豪華團啦, 將你既要求叫他報價便可, Martin email : info@africaveterans.com

*睇動物 - 睇到咩動物除左睇彩數, 司機經驗同態度都非常重要, 我地肯亞司機 FRED 非常專業, 一眼關7, 連老遠豆豉咁細既老虎都睇到, 手揸住車, 口答我地問題同講解動物習性, 眼幫我地搵緊動物, 一心多用, 但坦桑尼亞個司機就一般, 欠經驗亦唔夠醒目, 講野得黎車便揸得好慢, 我地唯有少些問佢野及耐唔耐同佢講可以揸番快少少, 途中仲要打醒十二分精神自己幫手搵動物, 唯一值得一讚的是他決定跟蹤一隻獅子他說獅子可能想 HUNTING…睇左我人生第一次的 LION HUNTING GAZELLE, 所以如果你唔好彩遇到個 MA MA 地司機, 你必須多與他溝通同跟他多講你地既期望, LEAD 住佢.

*觀星 非洲 CAMP HOSTEL 都好原始好荒蕪, 關燈後黑到十隻手指都見唔到, 觀星一流, 360度環回立體觀天, 仲有機會睇到銀河, 我在坦桑尼亞就睇到我人生第一條銀河, 靚到 DUM一聲, 畢生難忘, 所以不要錯過晚上出外望望佑大的天空喔.

* TIPS – 一殷 USD5-10//, 我地肯亞4日合共比左 USD150 TIPS, 坦桑尼亞 4 日就比左 USD120, 個人覺得4 USD25-30/日好足夠, 不過其他團友較疏爽, 既是開心錢, 無所謂啦.

*買手信 細小木雕 eg 匙扣, 書簽, 小動物, 一般USD1-2 EACH, 大少少的約 USD10-幾千不等, 坦桑尼亞回肯亞途中的手信店最齊, 手工精細, 最便宜, 一般殺價至 ¼ OR 1/5, 東非動物木雕勁吸引……我好少咁失控……搬左一隻高過我腰既長頸鹿回家, E + 日日回家見佢係門口歡迎我心情極之愉快, 不枉我花了 USD94 搬佢左黎

2013年8月24日 星期六

Arusha-Nairobi @肯亞


824 Ngorongoro – Arusha – Nairobi

晨早出露台看風景, 好大霧.



On the way 拍的, 很有瑞士 feel .



Shoping time 大家黎買喇買喇
 
有頭有腳有尾的長頸鹿…oh I love it, 最終朋友搬左它回港.

 
 

木蜂巢

 

My car, 499 jeep…oh no比前面架車挑起一粒小石擊中前窗, 好應, 肯亞同坦桑尼亞的路唔知點解沙石塵都勁.
   

8 safaris tour 最大敗筆, 竟然要我地坐依 d 14座返肯亞, 行李放車頂 ok, 手提要 5個鐘自己抱住…oh… 我隻長頸鹿有乜損失為你事問, 坐慣包車, 家陣同人迫, 好唔慣同辛苦囉, 仲要兜埋去機場, 乜乜酒店落客如果 safaris tour 包埋程車就很好, 其實我地唔介意比多少少, 己同 Martin 反映左.
 
14.00上車, 回到酒店己 21.00.
Sirona Hotel, Nairobi | Kenya
住後感 : 太殘舊, 鬼影都無隻, 房間好似十年無人入住過咁……
   

最攪笑係酒店意粉比大快活的難食十倍.


  房間傢俱殘舊得可憐
  

 

酒店位置太偏僻, 附近伯無, 迫住係酒店食, 非洲油炸鬼好食,  
食完出機場, van KSH2,500


木乃伊長頸鹿唔比 hand carry, packing 2包收 USD48, 巧貴
彩同朋友 SHARE 每人一半.



肯亞機場燒光, DUTY FREE 及出境大樓以帳篷頂住先.


最後衝剌
 

 

由早飛到晚計埋轉機足足20幾個鐘 D患上抑鬱症
    


可愛的小寵平安回家了, 開心晒.
 

  

總結 :
生人必去一次的地方…SAFARIS @肯亞+坦桑尼亞, 野生動物種類繁多, 雀鳥色彩繽紛, 第一次睇獅子 HUNTING , 緊張刺激, 第一次見銀河像鑽石堆砌而成閃閃發光的銀河漂亮極了, 非洲人很友善……