2016年2月28日 星期日

春田花花油菜花@古洞

近期古洞大熱, 何解呢? 事原古洞村民種了一塊油菜花田免費開放比公眾欣賞, 破壞了古洞不少昆虫棲息處而成的美景, 即興同一傻特意入來一看.


昨天天色還是麻麻地, 今日能見到一般.


沿途被今天的靚雲深深吸引住, 不停影呀影……只為一舊雲.



……變花萬千



行了成個鐘終於到達古洞





今個星期的油菜花己接近尾聲, 落了不少, 變得好希梳, 上星期朋友的油菜花相是超黃超繁密的.



大自然風景須要大家珍惜及保護



背景……一條雲




呢隻手……似曾相識, 左住晒





午飯過後, 雲層又是另一種層次, 神奇.







仲有美美的梨花正在盛開











等豆腐花出爐





大埔立法會補選戰況激烈


不問政治, 食杯雪糕先走人



2016年2月27日 星期六

難食@得行尚點

上星期跟老媽行經這裡, 被門外的餐牌美食吸引, 可惜趕時間入內品嚐, 今天特意再來。


安頓好老媽便去買食物, 精選套餐、盅頭飯及點心任君選擇。


點了2個點心加一個精選套餐B, 我豈有此理, 精選套餐明明寫住可配米粉/米線//, 我要米粉, 收銀說沒有, 那麵吧, 收銀說也沒有, 只有飯, 吓 我問收銀現在才5.30PM, 什麼也沒有? 不可叫廚房再煮嗎? 她只說沒有, ! 又明明寫住飲品是即磨咖啡或茶, 我要即磨咖啡, 收銀說是普通咖啡, 不是即磨咖啡, 我問她, 那為什麼餐牌要寫即磨咖啡呢? 她只是笑而不答, 假如我不是安頓好老媽, 我即時走人, 頭也不回, 火都黎埋, 擺明欺騙顧客! 難道他們不知商品條例己實行中嗎?



店內裝潢走型格路線, 原木檯加椅子, 富原始味道, 看落也環保。


亦有玩味重一點的角落


叉燒包 ($12)
雖然話 $12 好平, 但無諗過差成咁, 包硬到呢? 連平時吃什麼也吃得津津有味,絕少投訴的老媽也忍不住問了一句 : [[點解個包咁硬既味道咁難食既? ]  無言! 超市/凍肉賣 $12/六個的, 比這裡的好食幾倍。


鮮竹卷 ($16)
我會加多個字落名, 鮮竹膠卷, 腐皮又乾又硬, 同膠片無分別, 好難食。


雙腸滑雞套餐 ($53)
雙腸油香, 無益味, 好食, 雞分量多, 蒸得剛剛熟, 好滑, 之但係味精落得勁, 回家整晚渴極水也口渴的。


跟餐例湯
淡如水, 不提也吧, 在外用膳, 有得揀一定不會揀例湯, 沒有即磨咖啡又不想飲奶茶, 無得揀之選.



做餐廳俾啲誠意好嗎? 無論你裝潢有幾咁型幾咁吸引….如果食物九流的話, 結果如何, 不用我多說, 有陣時, 消費者其實不介意比多少少
$去換取食得落肚的食物。

埋單 : HK$81