中國最美麗的鄉村@丹巴

10月11日 丹巴 > 金川 > 色達

7.30食完早餐…又係坐車時間

丹巴
被譽為「中國最美麗的鄉村」,這裡有奇異壯麗的自然景觀,旖旎瑰麗的民族風情,還有古老而神秘的歷史文化及丹巴美女。

其實好可惜, 今次只是路過丹巴, 沒有停留這個充滿靈氣的古村, 有時間應留2天影晨霧及日落,亦可入村了解吓村民生活概況.

今天又要趕路, 無時間入村拜會俊男美女, 唯有上網搵張相頂住.

梭坡碉楼
「梭坡」藏語意為「蒙古族」。據說古時曾經有大批蒙古人在此放牧,故名。梭坡是整個丹巴,乃至全世界範圍內古碉最集中的地方,共有84座之多,其中包括世界上唯一的五角碉,其價值不言而喻,隔岸觀碉,對面的碉樓群在藍天白雲的映襯下巍峨壯觀,一座座經受了百年乃至千年風雨侵襲、戰爭洗禮和地震考驗的古建築群仍舊傲立在河谷兩岸懸崖峭壁之間。

碉樓群建築物外型十分漂亮

今個旅程之後, 己練得一身如廁功……去到邊痌到邊, 有時明明有廁所都情願唱山歌……大陸廁所有時臭得可怕.

坐車途經這裡, 團友仔見到好多麻甩佬係度裸浸溫泉, 我地又落車去8吓

行到黎…己經散晒水, 唔係趕路的話, 可以係度浸吓隻腳都好吖.

山頭漸見秋色

亞拉雪山

八美的保護神, 亞拉雪山位於道孚縣東南，地處大渡河支流幹爾隆巴河發源地，風景區面積158平方公里。最高點亞拉雪山海拔5820米，最低點3400米。

佈滿厚雲, 看不清其盧山真面目.

住係呢 D 地方, 一係"升仙"一係"發毛".

諗住快快手食餃子醫肚, 點知…人算不如天算, 耐到呢…得來一肚子氣.

服務員好靚女

主席忙於補給生果, 主要係桔仔, 蘋果, 蕃茄 .

又耐又貴, 一碟餃子夠膽死收RMB50, 又唔係咁好食噃, 真捉虫.

道孚的特色旅館…我地只係途經落車補給, 無緣一住.

當地人輪廓很美, 大多數都係靚仔靚女.

距離目的地色達仲有 153KM ~!~""

坐車影的民居顏色統一兼搶眼

前面修路, 落車舒長吓根骨.

正牌山狗 HIT 到黎呢度

日落 LU…仲有排先到五明佛學院, 長長的坭石山路, "DUM" 到屁股開花.

晚上10.00才到五明佛學院, 色達住宿安排較煩, 無得預 BOOK, 原本打算住山上的喇榮賓館, 但電話一直打不通, 幸好PLAN 時係網上搵到山下另一間扶貧招待所的電話, 為免十六人要訓街, 先打去扶貧留房間先, 再叫司機車我地上喇榮賓館 WALK-IN, OH… 可惜 FULLED, 我開出條件預付100%房租預留明天房間, 竟然也被拒, 叫我地明早 9.00上黎看看有無空房, 呢間野唔優做, 服務員又串……明天來等? 彩你都傻啦.

扶貧招待所 (RMB70/4人房床位)

住後感 : 相信比難民營好少少, 16人用一個廁所擦牙如廁, 門又無鎖, 實在不便, 幸好今次全部自己人, 一組組人入去, 有的如廁, 有的擦牙, 有的…… 喇榮賓館條件係好好多的, 有熱水沖涼, 價錢又同呢度差唔多, 影相唔洗行上山, 方便得多, 筆竟係4000米海拔以上爬行上山, 真係行到氣咳架.

4人房, 公廁, 無熱水沖涼, 但有電水煲供應, 龍床亦有電毯提供.

我的龍床

SETTLE DOWN 後己11點幾, 又餓又凍, 有碗熱騰騰飯落肚, 實在太感動了.

方便飯…好偉大的發明, 只要加附送的水落盒便可將飯加熱.

食飽出外影幾張相先訓, 又真係幾凍吓, 我諗山上夜晚跌到落 0 度.

路線.交通.住宿資料 : 金秋之旅@色達、稻城、亞丁