好味小籠包@翔龍拉麵

無得訂位, 等一個鐘閒閒地, 唔想等最好 6.30pm 前食,

佢地好細心, 不時為待緊位既食客送上豆漿,

紅棗水或一些小食.

花雕醉雞

雞肉很嫩滑, 雞肉花雕香味好濃,

食得出係誠意之作, 雞有用花雕浸過,

唔係出面個 d 就咁將花雕淋上雞度就上檯.

涼拌雞絲粉皮

清清涼涼, 雞絲1 d 都唔孤寒, 麻醬攪得幾好味.

水晶肴肉

好 like, 肴味好香滑.

咸肉津白

津白淋甜, 唔太鹹.

京醬牛肉絲叉子

好味

小籠包

可以用皮薄餡靚黎形容, 多汁味鮮, 推介.

炒粉絲

蒜泥白肉

又一誠意之作, 肉過左火, 再嫩少少仲正,

蒜汁唔夠蒜味偏甜辣, 啱我…e d 唔太好蒜既人,

不過好蒜既朋友就話好無癮,

佢話e 個菜勁蒜先係精華喎.

水煮牛肉配薯粉

夠香夠辣, 唔係一味死鹹, 牛肉多, 薯粉入味, 推介.

雪菜肉絲炒年糕

清清淡淡, 年糕煙韌.

翔籠炒飯

好似食緊紅米炒飯咁, 米飯煙煙韌韌偏硬, 我 buy, 又唔油.

高力豆沙

上台仲熱, 好香蛋白味.

得意士多啤梨拔絲

得個樣趣致, 士多啤梨唔甜唔香, 唔好食.

朋友仔親手整比壽星女的生日蛋糕,

好食過坊間個 d, 真材實料, 正,

吖…唔知有無得預先 order 芝士蛋糕架呢?

咁食法, 質素又唔錯, 埋單 $950 抵食.