2009年12月20日 星期日

惠州 - 農家菜

金白鷺農莊 (RMB63/人)
ADD:惠州市河南岸三環路湖山村37號
TEL:0752-5327158

經過 2 小時車程, 12.00PM 到達惠州, 先吃個午飯, 這便是我們用餐地方, 又幾特別喎.
餐桌沿外圍放
餐桌沿外圍放, 中央位置是舞台, 可以唱 K 或作舞池, 係到攪 party 一定好好 feel.
第二層都有餐桌, 仲有臘肉高高掛.
魚頭苛包蛋湯
鴨嘴魚
咩係鴨嘴魚? 之前都未見過o架, 魚食落口感同鲩魚差唔多. 鴨嘴魚營養豐富,蛋白質含量比一般魚類高出20%,同時富含多種維生素和氨基酸,因此被人稱作"水中珍寶"。


鴨嘴魚的真身, 個魚咀又幾似鴨咀喎?
羊腩煲–完全食唔到羊的味道, 有啲懷疑係唔係羊?
牛肉?? WRONG WRONG WRONG, 係黃猄肉, 真係好少好少食野味, 第一次試食一片黃猄肉, 唔好食, 似腥非腥, 似"so"非"so", 好難形容其食味,心想用來炒或燒會好食啲, 我試一片已夠, 食野味始終有風險, 食家禽會安全啲,點知它們有無世紀絕症附體.
黃猄
好鐘意食土雞, 肉唔肥兼實, 好好"趙".
兔肉煲 – 好似食緊炆豬腳咁
清炒鮮淮山 – 通常用來打邊爐或煲湯, 會"淋"同"粉", 清炒就爽口兼有潵, 都係用來打邊或煲湯後好食.
黃帝菜
麥溪鲩
烤羊排 – 最鍾意, 熱辣辣, 烤得好香, 羊肉不乾, 還有少許肉汁.
豆腐又點少得呢?
清場, 食飽飽, 西湖散步去也.
話咁快又食晚飯喇 (RMB47/人)
食館係唔係好原始農家 FEEL 呢?
黃酒是一種以糯米釀成的甜米酒,多在家中有產婦時釀制,用於產婦生產後補養身體,食用通常以黃酒來煮雞.
炒牛肉 - 今晚全部正常野, 無飛禽走獸.
依碟肥肉, 嚇得死人, 嘻! 嚇唔死我播, 我食左 3 片, 送黃酒一流, 肉唔夠爽, 爽口會覺得無咁膩.
東江釀豆腐
唔知係水質問題, 定制法同香港有所不同, 大陸豆腐總是豆味香濃啲, 滑啲.
燒茄子 – 齋睇樣都知惹味非常, 香味撲鼻啦
枝竹鹹菜豬肚煲 – 豬肚無"壓"味, good.
木筒雞 – 雞好滑, 用得太多人工潤滑劑, 即係油呀, 太油了, 食左一件己無幫襯.
你估係乜?
香竹鴨 – 鴨肉實香
魚頭豆腐芥菜湯  - 湯有魚的鮮, 豆的香, 菜的青.
黃酒煮雞 - 期待己久, 材料除黃酒及雞外, 還加入紅棗及紀子, 真係有病醫病, 無病補身, 講笑咋, 傷風感冒千祈唔好食, 會加重病症o架. 之前飲左 2 杯黃酒, 家陣再多飲 2 小碗黃酒雞湯, 有啲"wing wing"地, 全身暖晒, 雞湯好甜好好飲.
飲唔夠還可以外賣回家, 我買左一斤黃酒, 準備黃酒煮雞, 不過未得閒住.

食後感 :
大部份所謂的農家菜都比較油膩及味重, 以前大陸物資短缺, 啲農家菜好清淡, 以食材原味為依歸, 例如菜有菜青味, 魚有魚鮮味, 雞有雞味……, 現在的農家菜偏油偏鹹, 去大陸食野, 叫完餸後, 記得加多句 : [少油少鹽不加味精, 唔該.] 講左有無用? 唔知o架, 有講總好過唔講吧.

                          惠州 - 西湖

沒有留言:

張貼留言