10月11日
酒店房間及廁所
酒店門旁有24小時 M 記, 向右行數分鐘便是嘉星休閑中心, 即係我地做按摩的地方, 裡面有沐浴室沖洗, 中式, 泰式及日式按摩都有, 獨立房間,
明眼睇落都乾淨架.
經過尋日係馬路邊吸塵 1 小時多截的士的慘痛經歷, 今日係旅行社租左部旅遊巴, 方便出入.
(RMB900/33座位/天)
龍的酒樓嘆早茶(RMB310/11人), 點心同香港差唔多.
最大分別係茶樓有天井花園喔
逢簡
逢簡水鄉, 位於順德杏壇鎮, 村屋臨水而建, 由數十座橋樑互相連接, 形成水陸交通網絡, 一派小橋流水的水鄉景色, 故有"小周莊"之稱.
遊逢簡, 租一艘當地的小艇最好不過 (RMB20/人).
水......... 靜如鏡
依! 點解尋晚食剩條隔夜粉腸跟左我地上船o既? 仲”得”左係船頭影響視線?
古老的民房建築加青柳綠榕
如詩如畫
一河兩岸景色盡收眼簾
輕舟泛波
魚翁掛網
村內還有很多歷久風霜的祠堂
荒廢了的飛髲鋪, 好深沉, 有 d 野播??
巨濟橋
建於宋朝寶慶年間,
現存為清代三孔花崗岩石橋風格.
遊山玩水後, 又到午飯時間..
順峰山莊
貴德順峰山旅遊區
Tel : 22291166
推介:依間必食之選, 食物正之餘, 酒樓環境一流, 我地間湘房仲好鬼豪, 有 SOFA 同茶几
係酒樓食飯都好似遊山玩水咁
有魚池
有建築
裡面真係好大
豉油王柚皮 – 非常欣賞, 唔鹹, 軟淋, 有柚香味, perfect.
魚湯魚肉蘿蔔 – 蘿蔔淋甜無渣, 魚肉勁有魚味又唔腥, 湯真係魚湯o黎o架, 飲到一滴不留.
脆皮牛腩 – 之前未聽過呢味餸, 第一次食.
以為牛腩炸過會好乾好嚡, 感覺完全錯晒, 牛腩不知幾淋, 淋得o黎又香口, 好回味.
我地帶左 2 枝紅酒, 兼開埋, 嘩! 有無攪錯, 開一枝要RMB100, 貴過枝酒, 即刻用木楃楃番拎走.
CONT'D 順德美食終極回
(行程及住宿資料請看 - 順德美食第一回)
沒有留言:
張貼留言