10月4日 last day lu
其貌不揚的炒麵早餐, 買時完全無期望會好食, 食落又ok好味喎, 連飲品 HK$8.5, 係唔係好抵呢?
食早餐那間快餐店的 HALO HALO 同 BEE FARM 的賣相完全 2 個樣子, 有大.中.細供選擇.
我叫左中SIZE, 甜左 D, 食完有點膩, 淡番 D 就好了, 夏天食, 涼透心.
山頂 (TOPS) 入場 HK$16
食過早餐, 坐的士上山頂, 雖然陽光普照, 可惜能見度頗低, 不能看清整個 cebu 市的真貌.
Tops 觀望台 area 好大, 得我地係度 hea,
感覺冷清清的.
你睇, 全部都係自己人o黎o架, 好似包場咁, 所以我地係度影左好多低 B集體相, 係乜, ng.... 唔講嘞, 費事啦.
I believe I can fly, I believe I can touch the sky..................
天空海闊萬里, 陪著我........
玩完 TOPS, shopping 去也, 兼買埋手信.
SM MALL
address: North Reclamation Area, Cebu City
百貨公司裡, 幾乎什麼東西你都可以買到，電器店、髮型店、模型店、服飾店、餐廳、指甲彩繪、按摩, t-shirt, 小食, cd 好便宜, 本土歌手 cd 賣 HK$46, 閣下要買的話, 緊記問清楚是否全隻碟都係英文歌, 我當時問個 SALES [is this English songs?] 她答 : [yes], 返 HK 一聽之下, 原來係一首英文, 一首泰文, SKIP 住 SKIP 住, 咁佢又無欺騙我 wor, CD 的而且確係英文歌, 不過係一半咁解姐
跟住食埋個日本午餐 (HK$817/15人)
菲律賓人手腳真係超慢, 成個幾鐘都出唔齊我地既 ORDER, 追完又追, 追完又追, 最後竟然同我地講有啲飲品根本無落 order, 又唔識早嚮, 到我地話 cancelled order先講, 依家先明白 D 朋友點解成日係我面前講家中的菲庸點點點, 點到噴晒火, 現在完全明白了
食完 lunch, 飛的將一袋二袋的戰利品送返酒店.
依個喼唔知係邊個??? 成喼都係芒果乾, AH 講開芒果乾, 7D 比其他牌子 eg philipine or cebu etc 香軟好味啲
酒店"食蕉"睇到眼"突突", 點解你地可以買咁多野?
執好行李手信, 把握時間飛的去聖嬰教堂.
聖嬰教堂 (Baslica Minore Del Santo Nino)
建於1565年, 是宿霧最具名氣的天主教堂，裡面供奉了一尊高40厘米 據說是當年麥哲倫從西方帶來的木造幼年耶穌像,這
座聖嬰像由於經過多次教堂大火仍絲毫無損，所以一直被當地人視作教堂的神聖之物。聖嬰的降生是天主對人類大慈大悲的表現，天主的慈愛是藉著聖嬰所取的人性
顯現出來，所以每個星期天早上，都會有大批男女老少走進宿霧市區的聖嬰教堂，他們大排長龍，為的只是能有短短幾分鐘向聖嬰像告解。
無論在教堂外, 教堂內都擠滿信徒聽講道.
church 外
麥哲倫十字架
是宿霧市最著名的地標之一，現存放在一所小禮拜堂內, 位於聖嬰教堂附近。1521年4月14日 在宿霧的第一批菲律賓天主教徒接受了受洗的儀式，當時受洗的有土著族長肯馬邦（Rajah Humabon）其妻子祖安娜王后（Queen Juana）及其他四百名土著，而施洗者則是麥哲倫的隨行神父Pedro Valderamaru。於是麥哲倫為了紀念這場盛大的宗教儀式，便在此豎立了這一個巨型的十字架。
等我都幫你地影張大"後"照先
Oh 要返酒店攞行李出機埸 lu, 上機前再大擦一餐.
WATERFRONT HOTEL (HK$108)
在機場則, 行去機場只需10分鐘.
酒店供應食物好豐富, 魚生, 海產, 燒物, 甜品, 熟食........ 連皮蛋都有
以 HK$108 計, 真係物超所值, 大部分食物都幾好味, 賣相又精緻.
小朋友 SIZE木結他, 機場賣HK$166,
好抵, 相信係街邊鋪買定更抵.
準備起飛
CEBU 市夜景
今次我同佢地去, 可惜唔齊名.
遊後感 :
今年衝出香港第一擊 - 菲律賓, 非常成功, 多謝攪手各方面的安排及付出, 同你地去玩真係超開心, 超 RELAX, 去玩最緊要大家投入, 玩電筒黑夜寫名又玩得一餐, 無無聊聊吹毛巾又玩左個幾鐘, 空中飛行, JUMP JUMP JUMP .........期待衝出香港第二擊 – 曼谷, 曼谷我O黎 LA
旅遊完畢
沒有留言:
張貼留言