坤記煲仔飯~~~絕對無坤你

有人突然心血來潮想食, 地點實在隔涉,

佢地成日去食, 我就未食過, 試一次咁大把,

最好預先 book 位, 因為就算 book 左位都等左 20分鐘先有得坐低.

椒鹽鮮魷

最佳香口熱氣代表作, 唔食唔得, 漿薄鹹香, 好食到唔停得口.

豬骨煲

內有桶骨, 雞腳, 蘿蔔和粟米, 湯清甜.

桶骨吸左小部份骨髓後, 加湯用快子攪混再啜, 好正.

臘腸滑雞煲仔飯

臘味汁溜晒落煲仔飯到, 唔香……同肥有鬼 ^^

豉汁白鱔飯煲仔飯

田雞臘肉煲仔飯

窩蛋牛肉飯

4個煲仔飯都好有水準, 飯焦多到食唔晒, 豉油混得出色.

煲煲附送和蟲飯焦, 香口, 不過熱食先香脆可口,

飯焦凍左變硬唔係個個受, 我就軟硬通殺.

好飽………咁點解都係要去食甜品既?? 習慣囉.

9.30pm 就"伯母", 我點左杏霜潤一潤.

食店: 坤記煲仔小菜

埋單 : HK$405

E 間野絕對抵食同幾好食添, 邊個想食, call me 奉陪, 哈 ~~ 原來我有小巴返屋企, 過西隧, 勁快.