2016年3月9日 星期三

咁香燒白鱔@川燒

臨時臨急有人想食燒物, 還好即時訂位也有, 左穿右插街道…… 下次再來相信我要開GPS 帶路才行。




餐牌實在太誇張, 分門別類也有 4大張之多;海鮮、風味肉類、健康素菜、飲品甜品, 巧多野都想食呀 >>>>今次每人揀一~二款最想食的。






BALNCE 1664 ($64)
有我最愛的生啤, 實在太好了。


川香麻辣猪大腸 ($36)
罪過罪過, 好邪惡呀, 邊條友叫架? ~~  好似係我, 既麻且辣, 辣得過癮, 猪大腸肥美又無"押"味, 吸盡了麻辣汁精華, 入味非常, 送生啤一流, 只是嫌略鹹了點, 減點鹽就更好。



川香麻辣腸 $20
個人好少食醃制腸, 又係超級麻香型, 勁惹味, 香腸還帶點肥肉,燒得甘香, 一條大家唔夠喉, 食完叫多條, 死味!





黑松露燒腐皮溫泉玉子 ($30/2)
樣子美麗, 先燒腐皮再放溫泉蛋, 上檯前再加黑松露及蔥花, 朋友教我要一口食才滋味, 溫泉蛋好滑流, 混合了燒腐皮的鹹香, 味道剛剛好。




燒日本廣島生蠔 ($58/2)
廣島蠔肥美亦新鮮, 蠔本身有海水鹹味, 故主要以蒜泥調味, 燒好再放上辣椒絲、蔥粒和蟹子整色整水, 一來增食慾, 二來增口感及香味。



燒鮮白鱔 ($38/)
賣飛佛, 鱔怎樣食也 LIKE, 喜歡鱔肉的油香及嫩滑, 燒就更正啦, 點止油香嫩滑咁簡單, 還多了一層脆皮, 香口好多, 白鱔吸盡醬油的香甜及豉味, 好鬼好食。


食飽飲醉, 甜品時間又怎能少?

菠蘿雪葩 $68
我的選擇, 原個菠蘿雪葩, 菠蘿味好出, 清香, 菠蘿雪葩甜酸適中, 食完心都涼埋。



椰子雪糕 $48
朋友叫的, 椰子味都幾濃, 不過椰子似拖肥般, 偏向 SWEET SWEET, 我還是喜歡帶點酸的生果甜品, 可中和甜度, 無咁膩。\




那個靚仔服務員好鬼馬, 成日走過黎吹水, 氹得我地成晚嘻哈大笑, 開開心心的走人, 抵讚, 可惜佢地無顧客問卷, 否則我地齊齊填表讚佢, 等佢升職兼加薪.

埋單 : $1,473


沒有留言:

張貼留言