2011年6月11日 星期六

失控日之午餐@山澗會

地址 : 粉嶺沙頭角道丹竹坑新屋仔

訂坐電話 : 9586 3967

每人 : HK$200/人頭計

係粉嶺港鐵站再轉小巴, 車程約 30 分鐘.

 

落車行數分鐘即到食店門口

準備開餐

冬蔭公湯

料好少, 只有大蝦數隻, 唔夠分, 內有瓜及香料, 看似無料到, 以為"希冷冷"唔方好飲, 不過又出奇地好飲噃, 除左有香料既香味, 仲有海鮮既味道, 唔知有無加化學海鮮粉呢?? 希望無啦.

 

店主自家混醬青瓜

賣相唔吸引, 食落又係好野oo, 味道唔知點形容, 沙嗲醬?? 唔係, 海鮮醬?? 又唔係, 沙茶?? NO…可能係好多種醬混出O黎既混醬, DON'T KNOW.

 

菠蘿炆牛肉

好攪笑, 先食既朋友話好" SO"係羊肉, 攪到唔食羊既朋友唔敢食, 我食完之後話好似係牛噃, 新鮮牛肉都有少少牛" SO"o, 牛肉炆得好淋滑, 同菠蘿炆, 酸甜味減油膩感.

 

小茴雞翼

淡口, 炸得太乾.

 

雞煲

友人話係香矛雞煲, 我話 E 片明明係甘蔗, 又有人放入口一試……E 係蔗o黎個噃, 睇o 黎香港女士們大都是幸福之輩, 不用入廚,  講番個雞煲, 雞新鮮, 調味清淡, 食雞既原味.

 

鹹青檸香茅蒸烏頭

我只係食到淡淡既香茅味道, 青檸去左邊?? 可能店主唔記得加, 又可能加得太少……烏頭幾新鮮, 無泥味, 凍左都唔腥.

 

荷葉蒸手打鮮蝦丸

標榜鮮蝦丸, 我覺得應該叫鮮肉丸貼切 D, 唔敢講佢有無蝦肉, 但可以肯定猪肉比蝦肉多, 咩肉都無所謂, 好食就得, E 個肉丸好掂, 鮮香爽滑得o黎, 咬落仲啖啖肉汁.

 

馬拉盞炒什菜

香噴噴, 甜豆清甜.

 

南瓜

婆婆見我地有個小朋友, 就話煮個南瓜湯比佢食, 我話婆婆..我都係小朋友, 我又要食, 果然小朋友食得津津有味, 我同樣食得津津有味, 南瓜肉好清甜.

即摘的茄子

婆婆話 E 碟茄子剛係菜田摘番O, 超新鮮, 可惜瓜皮老左 D.

 

香茅水

原本有甜品的, 比左南瓜我地, 變左香茅糖水,

香茅都可以做糖水, 我都係第一次飲,

好淡香茅味, MA MA DE.

 

食完飯, 見出面停左雨, 嗱嗱淋出菜田睇吓, 果然茄子係即摘的.

因為我地係菜田見到好多大大隻同細細隻既茄子.

仲有大南瓜

食完想點 : 郊埋遊就差唔多, 純食午餐……好花時間.

部份友人話, 食 D 咁既野 HK$200 唔值, 太貴, 我話 :[有機菜不嬲係富貴菜, 加埋私房菜個朵, HK$200 唔貴 LU. ] 講真, 你想大魚大肉的話, 你不要去這些地方食, 一來山長水又遠, 2 來食物好清淡, 但如果你想特別 D, 係農郊食餐飯, 兼想食到新鮮原味既食物, E 度其實唔錯, 食完又可以郊遊吓, 可惜我地個日食完飯, 行左一陣就落狗屎 >!<

沒有留言:

張貼留言