路線 : 十二道順得菜(午餐)
>>> 南沙天后宮 >>>水家鄉一條街
>>> 延樂居
全程洗費 : RMB176
延樂居位於萬傾沙鎮某木瓜農場內,
面都好大吓.
大陸好多餐廳格局總是這樣,
可能置於湖中, 感覺特別些吧.
行左10分鐘, 入到去, 己黃昏了.
頭盤 : 木瓜.石榴
超甜木瓜, 又香又甜, encore 左 1 round.
蒸魚干蝦干
魚干蝦干完全唔腥, 好好食, 無法, 個人偏好.
可樂骨
哎呀!! 依個無食過
鹹雞
D 肉韌到呢……… 要手同口共用先食到佢,
雖側肉韌, 但我又好屎鐘意食喎,
好似食緊雞肉乾咁
大陸菜不經冷藏, 菜味重好多.
綠豆爙蓮藕
水浸木瓜非洲鰂
聽說這裡的非洲鰂同雞都係用木瓜喂大的,
水浸非洲鰂蒸得啱啱好, 肉好滑, 味道又適中.
南瓜烙, 炭燒猪頸肉, 炒木瓜絲,
鐵板豆角 及永樂小炒皇
全部小菜味道均不錯.
白切雞
比鹹雞滑好多, 仲好,
無人同我爭鹹雞食, 可以慢慢咁食.
南瓜烙
當甜品食
永樂小炒皇
個個對側邊的木瓜虎視眈眈
佢地 d 木瓜實在太得.
煎焗非洲鰂
魚……都係蒸可取 d, 依 2 條煎魚,
肉較乾, 又係無人同我爭食, 多好,
我應該食左都有一條, 人棄我取.
當鹹雞遇上滑雞,
佢地相宿相雞時, 我地就咪走雞
回味指數 : 8.5 分 (10 滿分)
好啱口味, 木瓜好食, 魚干好食, 小炒皇好食, 非洲鰂好食, 鹹雞好食………重幾抵添, 今晚個個飽到上心口, 重平過午餐, but 午餐個個食唔飽, 最後要叫炒飯食. (RMB1130/ 22人).
沒有留言:
張貼留言