2010年7月24日 星期六

抵食海鮮@東昇樓

地址 :  東涌馬灣涌村涌口街94號地下

訂坐電話 : 2988 1494

交通 : 東涌港鐵站及東涌區內免費接送

消費 : HK$108/(連飲品)

 

從朋友家影落去這個是細的"所謂"人造沙灘.

等齊人, 竟然雷暴警告, 室外人造沙灘要關閉,

要游室內的, 我地山長水遠特登入去游……  

這個是大的"所謂"人造沙灘超開心,

係室內游游吓, 雷暴警告除下, 人造沙灘重開,

yeah>>>>>>>>>>>入到去,

好有南非迷城皇宮的人造沙灘 feel, 又大又少人,

好似去左布吉渡假咁 ,

如果有埋迷城皇宮的人造浪就更正.

 

夜攝

入東涌都會順便去村屋那邊食晚飯,

最近無咩新食店開, 食海鮮又要抵食,

東昇樓和天廚之爭, 東昇樓好久無去,

係時候再去了.

是日例湯 : 豬骨鱆魚冬瓜湯

以前湯是任添的, 最少飲佢2-3,

現在每人只送一盅燉湯, 無咩味精, 好飲.

 

辣酒煮花螺 

螺好唔新鮮, 唔新鮮到食左幾隻, 己食唔落去, 其實味道好對辨, 回家後覺得"猪嘜"左, 應該即時同老闆 complaint, 等佢回收 ma, 下次要醒醒.

燒腩仔

皮燒得幾脆, 廋比肥肉多,

肉有少許嚡, 不過都 ok o.

蒜蓉蒸扇貝

鮮甜爽口~~~~好味道.

 

苦瓜炒牛肉

好彩叫左少油, 唔係更油! 炒得好惹味, 唔鹹.

 

古法蒸鮑魚仔

鮑魚仔好新鮮爽口, 完全唔韌, 個汁都幾正, 必試.

豆腐鯪魚球煲

豆腐嫩滑, 鯪魚球有魚味, 咬落彈牙, 清淡推介.

 

清蒸斑仔

豉油較得唔錯, 火喉剛剛好, 魚蒸得嫩滑.

回味指數  :  8 (10 滿分)

好耐無去食, 之前食過幾次都好 ok, 之後聽朋友講話唔掂, 所以成年幾2年無去, 今次再食, ok , 整體都好味 (除左個辣酒煮花螺), 食海鮮又唔太貴, 比起近碼頭的高檔食店平不知幾多倍.

沒有留言:

張貼留言