地址 : 中環蘭桂坊威靈頓街160-164號
訂坐電話 : 2544 4556
消費 : HK$127/人
蓮香依 d 舊式茶樓係香港真係買少見少,
鋪內比想像中光鮮.
咁當然, 舊日足跡仍可尋, "娘娘"~~~~
冬瓜盅
用料十足, 湯好清甜.
炆班翅 (魚旗部份, 不是魚翅.)
如果用來清蒸, 應該會係一絕, 炆...實在有點浪費,
無魚味又唔滑, 兼有點貴呀, 成為 $330,
枝竹仲好食過佢.
醬燒骨
肉唔入味兼嚡到暈, 有人咁樣形容佢 : [好似一舊大猪腩肉, 用o黎煲完湯, 再用獻汁煨一煨佢.]
又形容得幾傳神貼切播, 衰鬼.
八寶鴨
全晚唯一個人覺得好食的餸, 內有蓮子,
蛋黃, 糯米, 乾瑤柱, 半肥瘦肉……等等,
鴨好淋又入味, 餡料都夠味.
金錢雞
真係無咩好講, 我會咁形容 : [煲仔飯內的榮華 x 腸仲
正過佢好多囖.], 食落口油淋淋,
還有些油"益"味, so bad.
西檬雞
汁少到在碟底,面的完全與汁無緣, 粉厚到死,
雞又乾到似柴皮………
蓮藕餅
又一劣作, 炸得太燶既乾,
完全食唔出肉同蓮藕.
蓮蓉焗布甸
好怕食焗布甸, 出名如鳳城我都覺得勁甜,
吖! 喜出望外, 呢度唔太甜,
蓮蓉同布甸都焗得幾滑口.
回味指數 : 5.5分 (10 滿分)
又係期望越高, 失望越大, 覺得好一般,
沒想像中好食, 試一次夠晒數.
沒有留言:
張貼留言