人…點都要豪一次@維園泳池餐廳

地址 : 銅鑼灣興發街維多利亞公園泳池側

消費 :  $191 /人

大熱天時有冷氣位, 梗係唔坐 E 度啦,

冬天又唔拘, 泳池景, 有好野睇

 

蝦子鮑片 

 d 鮑汁正, 精華在於生菜, 撈汁食, 好味道.

火焰羊架 

 著住火上檯, 幾有趣, 好似羊架仲係度烤緊咁.

羊架係有 d 肥, 但羶香味同羊脂十足, 10個得,

如果鐘意食羊必試.

芝士釀蟹蓋(伊麵底)

蟹蓋嘩啦嘩, 裡面有蟹肉及其他配料, 好味, 伊麵卻……汁太杰, 伊麵太淋, 芝士味不香.

 

嘩>>>>>>>>大家見到, 未食己尖叫,

大碗粥呀>>>>>>>

阿拉斯加大蟹粥 

 如果 d 粥煲得再棉 d 兼放少少腐竹落去煲,

咁…就真係做足 100 分嘞.

蟹腳肉質爽口有蟹鮮味, 估唔到隻蟹剪

開有成 2 大碟, 夠我地 18 隻蝗虫食有餘.

百合腰果西芹花枝帶子 

 呢個簡簡單單炒粒粒, 點知幾特出,

好多食友都話好食.

嘩>>>>>>聲再起,  2 大盤勁大龍蝦海鮮湯

龍蝦有糕o架, 可能龍蝦味落晒係 d 湯度,

又或者龍蝦煲完湯原故………

其實龍蝦肉食味 ma ma 地, 仲有 d 嚡口.

不過兜湯就不得了, 先講講有咩湯料, 除左龍蝦,

仲有番茄, 蜆, 帶子, 螺, 聖子, 花甲等,

口湯鮮甜到不得了, 我飲左 3-4碗, 好滿足,

份量之大, 足夠 18人每人灌3 碗, 都仲有剩.

櫻花白雲扒碧綠

哈~~~~~個名又改得幾有詩意, 食物都有內涵,

蛋白炒得清香嫩滑, 個人好 buy 呢味.

 

清蒸大金鈾

咁大條魚用o黎清蒸,

肉唔夠滑一滑在所難免, 還可以吧.

南瓜露

南瓜味唔出

 

呢班友仔真係超級大蝗虫o黎o架,

我已經飽到上喉嚨, 還是受不住魔鬼的誘惑,

去食甜品, 最難得係個個都仲食得落,

食力真係大到得人驚, 強呀!

我叫了榴槤豆腐花, 略嫌榴槤唔夠多, 唔夠臭.

同友人的榴槤雪糕冰剛相反,

雪糕冰超級香濃猫屎, 勁臭, 下次要食呢個.

 

回味指數  :  9分 (10 滿分)

淨係個龍蝦海鮮番茄湯己價回票價, 好鮮甜, 仲有食友們的興奮同開懷食相, 令今次回味指數勁高.