新派齋@大自然素食

地址 :  太子彌敦道750號始創中心3樓335號舖

訂座電話 : 2148 1163

消費 : $75 /人

 

呢間新派齋館相信好多人都試過,

我是第一次食, 我去食齋通常去 d 古老齋鋪.

 

餐前小食

馬來沙爹串燒 

 像真度極高, 口感同食真肉串燒完全無分別,

沙爹汁調較亦很適中, 好味.

薑蓉炒有機豆苗 

 豆苗青綠好味, 仲係大大碟o個隻.

片皮鴨跟蒸簿餅

除左個用來包鴨的蒸簿餅及配料似之外,

主角片皮鴨完全唔似, 齋鴨炸得太乾,

似食緊柴皮.

避風塘蠔仔拼脆鱔 

 呢個更攪笑, 除左個避風蒜蓉似外, 食味無樣似,

如果唔當係蠔仔同脆鱔食, 咁味道又唔錯嘅,

最少炸得香口, 又唔會食到成口油.

生煎菜肉飽

煎得頗油, 好菜全菜餡, 裡面無油, 還可以接受.

籠仔蒸菜肉飽 

 鐘意食蒸多過煎

潮式糖醋麵

 同潮州菜館做法沒 2 樣, 食法都係加醋加糖伴食,

依度 d 麵整得幾脆, 又乾身, 唔錯.

雞絲粉皮 

 像真度很高, 撈得好香, 粉皮滑滑流.

秘制客家鹽焗雞 

 唔話比你聽, 點都估唔到係鹽焗雞, 除左樣唔似,

味道都唔似, 不過鹽焗豆品,煙煙韌韌, 鹹鹹香香,

 又幾好食喎.

霸王西施 

 即百福凍豆腐 + 燒汁 + 紫菜絲 + 齋肉絲, 

$50 幾蚊, 最唔抵食.

送的花生麥米糖水, 落足料, 正.

 

回未指數  : 7.5 分 (10 滿分)

我見 openrice 啲餸有 d 好特別, 食評都唔錯, 可能我地唔識叫, 又唔記得叫我既至愛芋頭魚, 下次再去食過.