萬里長城à山雞乙
難度 : *** (最難行五粒星)
需時 : 3 小時
天氣 : 陰天, 能見度極低.
交通 : 上水廣場行人天橋起行
今次我地1行 13人跟行山隊, 行山場面咁"墟憾"
都係第一次, 睇怕今次都有 200人以上一齊行.
過左呢條橋就起點
呢條行山線的特點是 : W 型, 即大上大落,
行到氣咳.
萬里長城萬理長………
這種植物型, 夠特別.
又上………
又落………
桑樹果子, 熟了可吃.
呢個角度睇到上落層次,
你可能會話 : 唓! 唔係好斜姐, 睇就係.
行就嗦晒氣
臨近尾聲, 竟然出太陽, 好彩這段路較平坦.
到達目的地, 行番出大馬路食齋.
咁大棵五代同堂都係第一次見
途經很多農地, 好家鄉 FEEL.
仙人掌
菜田處處
見班阿姐企係度, 隨意咁拋 D 西洋菜苗落農田, 我同身邊友人講 : [嘩! 原來種西洋菜咁簡單, 係咁意放係水田就得.] 友人話 : [唓! 佢地睇我地啲 OL 夠坐係冷氣房度, 好似唔使做咁啦.] 即時無言以對, 所以話呢, 呢個世界永遠都係你睇我好, 我睇你好, 我地嘆住冷氣做到隻狗咁無人知, 佢地日晒雨淋除草時, 我地又唔見姐, 唉! 點解我諗野仲咁膚淺既?
記得有次同小學同學去 bbq, 有1 pair 係較熟的同班同學, 由坐車去bbq 至 b 完, 全個過程我發覺男的對女的照顧周全, 千依百順, 愛護有加, 男的小生意算搵到食, 睇落真係好完美, 完美背後事實係……….數年前, 男的唔知點解, 無故迷失, 唔去搵工, 混混鱷鱷過日子, 用女朋友的錢過活, 一份糧2份用, 梗唔夠用啦, 1個月過左, 2.3.4 .5…………過左, 終於差不多2年後, 男的醒覺起來, 努力找工作, 經多年努力後, 愛情事業開始順行.
撫心自問, 1個月我可以等, 2個月都得, 3.4.5 .6.7.8個月都可能等, 咁1年又得唔得? 2年又得唔得呢? 我可以好肯定答自己 : [我一定唔得, 忍唔到咁耐.] 我的女同學做到, 所以得到回報, 而男的又非常珍惜惜日女朋友為他的付出, 所以造就今天的幸福快樂.
長篇大論後, 只想講, 我地睇到別人有錢, 別人愛情婚姻美滿, 別人樣靚身材正, 別人彈得一手好結他, 就去羨慕人, 同時埋怨點解別人咁幸運, 自己就永遠無運行, 時不與我…………而往往不會理解別人成功背後所付出的有多少, 有多重, 有多久, 有多苦. 我以後講野唔敢咁膚淺喇.
西洋菜海, 無咁誇, 西洋菜塘吧.
鮮艷好意頭的象牙花.
行後感 :
好彩我地只係跟上午, 下午離隊自己 hea, 唔係你都咪話唔金.
沒有留言:
張貼留言