你係咩類型??

古語有云 : [知識能改變命運], 其實性格改變命運的力量更大, 我認識的朋友中, 大致有以下幾種類型;

1.      憂鬱型 – 整天愁眉深鎖, 滿有心事的樣子, 同這類 人做朋友, 令我好有衝動去開鎖.

2.      樂天型 – 時時刻刻笑容滿面, 大笑姑婆一名, 好似吳君姑咁, 以前大家都唔明點解當年型仔杜德偉會跟她一起? 相信杜生想嘻嘻哈哈過日晨吧.

3.      懶有型 – 最討厭呢類型, 型唔起又要扮, 還要其他人認同佢型.

4. 上進(知識)型 – 對知識的追求, 有源源源不絕的渴望, 最鐘意有 common sense 的朋友, 可以透過交流, 吸收更多新知識及新觀點.

5.    苦瓜干型 – everyday think that the sky is falling down. 智者曰 : [近朱者赤, 近墨者黑.], 如果你不能改變他們, 讓他們變得開心, 那只好遠離他們一點點, 免受感染.

6.    死撐型 – 大多數都是男性朋友, 可能男性比較愛面子, 仲要係死要面o個隻, 之但係又無料子去支撐他們的面子, 總言之, 你要話佢勁, 話佢叻, 話佢啱, 唔該唔好成日靠惡, 充實吓自己先啦.

7.     無聊型 – 成日都話無聊, 但又永遠唔去學啲嘢, 找點興趣, 對事同物都完全沒興趣.

8.    扮忙型 –由朝到晚話忙, 但唔知佢忙乜, 叫佢執屋, 又話忙, 叫佢做運動又話忙, 其實佢地只係忙於"灘"係沙發上看電視, 呢類型係辦公室最常見, 叫佢做咩都話唔得閒, 講到有幾忙得幾忙, 其實佢地又唔係忙於玩 msn 同上網, 唉!

9.   發錢寒型 – 話題永遠離唔開個"錢"字, 同呢啲人做朋友好乏味.

10.  無知型 – 同佢地講咩都唔知, 人地講佢又信, 完全唔經大腦, 好天真.

11.  玩樂型 – 沒明天, 只要好玩, 什麼都可以, 索 k, 飲酒, sex….. 完全不理後果, 玩死擺就… 好恐怖的族群.

12.  分享型 – 有啲人真係好信賴身邊的朋友, 乜事都可以同你分享, 有好多事情我都會選擇放係心度, 費事解釋, 亦唔想有心理負擔, 擔心人爆響口, 另一方面我又好鐘意同人傾計, 了解別人的心事, 真矛盾.

13.  口不擇言型 – 完全唔理會別人的感受, 胡言亂語…討厭.

14.  受歡型 (世界仔型) – 係人都叫靚女同靚仔嗰啲, 懂得收買人心同了解老闆所需.

15.  安份守紀型 – 做人但求安安份份, 開開心心, 咁似我既? 所以一世無出色囉, 千祈唔好學.

16.  暴躁型 – 係又鬧, 唔係又鬧, 唔夠人講就動粗, Oh!  my GOD, 佢係你上司, 就死得.

仲有好多好多類型人, 不能盡錄,  打o左咁多年工, 大多數老闆同上司都係知識型+世界仔型, 或者是扮忙型, 你想升官發財, 便要多了解你老闆的性格, 或且改改自己的性格, 自己做埋老闆.