初九開年歡聚@聚點私房菜

初九友人聚一聚, 順便團個靚年, 今次係"聚點私房菜". 

我地選左呢個餐

 路痴迷左路, 去左另一邊…終於搵到了, 位於一棟舊住宅.

餐前六小碟
  精緻好吃, 包括 : 蒜茸拍青瓜、鹵水鵝掌、蜜糖栗子、酥炸小魚子、柚子石榴、甜酸涼瓜、油齋雞粒、鎮江肴肉。

個人至 LIKE 的話梅苦瓜

飲茶..飲茶, 貌似一壼香片.

紫沙茶壼燉湯

內有元貝, 雞腳, 响螺, 淮山, 猪肉, 廚C話原壼燉十小時, 清而香.

香草紅酒焗大蝦

個人麻麻雪藏大蝦, 唔香唔鮮…有乜好食?

原隻鲍魚全家福

LIKE, 鲍魚淋滑, 其他食材都好入味, 保住各有獨立食味, 正.

清酒焗肉蟹

上檯即發出陣陣酒香, 肉蟹清甜鮮嫩.

蒜茸蒸龍躉球

肥美嫩滑

花雕紅葱頭焗雞

葱頭勁惹味, 雞亦滑, 整體味道特別而惹味.

杞子玫瑰會雙翡翠

沒有玫瑰味的, 豆苗鮮嫩.

蝦崧炒飯

蝦味入晒飯度, 飯炒得乾身有咬口, 好得!

南北杏雪梨雪耳糖水

例牌無誠意

埋單 : HK$488 /位

食物整體好好, 值得一試, 只係由頭到尾給我們…”事事向$看的感覺”, 很差勁,  茶 $28-38 位計, 罐裝汽水 $18……最可怕係開瓶費, 每枝要收 $100, 我開5支…豈非付你$500??? 真係豈有此理, 茶唔飲, 酒唔開, 只有3位朋友叫了3罐啤酒汽水, 私房菜應該親民點麻, 我唔介意你提高餐價, 但唔該你唔好坐低比杯茶我…都要同我計好嗎? 幾好食都 NO MORE TIME LA.