靚到 dum 一聲既大浪西灣

路線 : 西灣亭 >> 西灣 >> 鹹田灣 >> 赤徑 >> 北譚凹

之前聽講有人行呢條線行到抽晒根,

怕我 e 個老人家行唔掂, 加上今天有點傷風流鼻水,

之但係…唔想放飛機, 又見過人家的相超靚,

好想行e 條靚線, 唯有頂住上.

坐的士來到起點位… 西灣亭

起行

大浪西灣位處西貢半島東面，

由四個海灘（西灣、咸田、大灣、東灣）組成,

起程己有這樣的景緻…一個字…靚

充滿渡假 feel 的西灣,

 除左滑浪等上水活動, 這裡還可以宿營.

西灣

 

西灣茶座唔係嘆啡, 而係…

嘆豆花

行左一陣又到另一沙灘, 好想唱, 浪濤沙, 世事會變化…

水靜清如鏡, 令人留而忘返.

行上山無耐…嘩!!! 一灘還有一灘靚… 鹹田灣

白色沙灘…反晒光, 無帶太陽鏡…我對眼都反埋光,

睇唔到野, 要行番去有草既地方.

今日行山好天氣, 太陽唔太猛, 好溫和, 行得舒服.

荒山野嶺…竟然有餐蛋麵食, good ar.

蚺蛇尖原來係度行上去,

行過一次…金得很, 發誓 no next time.

淺灘植物

赤徑淺灘都好靚, 今日有新郎新娘著晒婚紗係度影結婚相,

心諗…著成咁…點行過黎?

原來附近有碼頭的

Ymca 搵你黎住 lu

遠望西貢灣仔碼頭

5小時行程, 全程景色優美, 好易行,

唔覺辛苦, 沿途又有多個休息站,

可以飲吓野, 食吓野, 值得推介.

出番西貢碼頭還很早, 晚飯時間有排…散水,

各自回家食, 諗住行去碼頭買蟹回家,

嘩! 假日的西貢碼頭人山人海得很.

生猛花蟹 2隻賣 $150 唔平, 算把啦.

極美的大浪西灣, 果然名不虛傳, 靚到嘩嘩嘩,

有機會一定再行, 可惜呢…我這個路痴…己忘了怎行.