地址 : 太子彌敦道761號
訂座電話 : 2789 1198
埋單 : $570
食評 : http://www.openrice.com/restaurant/sr2.htm?shopid=13354
順德煎蓮藕餅
完全唔好食, 無魚味無肉味無蓮藕味兼油到死.
啫啫芥蘭豬爽肉
檯檯幾機都有一煲, 啫起上o黎隔幾檯
都聞到蝦醬的鹹香味, 個煲就大嘞, 不過食物
就係晒底部, 份量好少, 豬爽肉亦偏鹹.
米通炸蝦棗
蝦肉爽口彈牙, 上面米炒炸到脆脆,
伴甜酸醬食, 惹味非常,
算係今餐最好食的一味.
石岐軟骨妙年齡燒乳鴿
$38 隻, 咁弱雞, 幸好味道唔錯,
只是欠左 dd肉地囉.
魚湯魚滑皇帝菜
鯪魚肉好爽滑, 有魚味,
皇帝菜用魚湯浸過令舍好味.
燒汁茄子牛仔骨 - 又係超鹹
回味指數 : 6.5 分 (10 滿分)
食完無再去的衝動動, 有食客係度吸煙都無人理, 更要 bad list.
地點 : 某友人天台
食物 : ORDER BY 某女食神及去街市搜羅
乒分 2 路, 某些人去街市買海鮮,
另外的去超市買用品及飲品.
這檔收獲
不得不提這個刀貝蚌 (下圖紅字), 老闆極力推介,
雖然我地無人食過, 亦唔知係唔係老闆所講般好食,
辜且一試, 又真係幾鮮甜喎, 燒完又無扇貝咁韌,
兼食落爽爽地, 下次 bbq 大家不妨試試.
見有少少時間係度兜左個圈
和牛 & 羊架加 d 香草海鹽o黎燒, yummy 到暈.
這些便是處理好的刀貝蚌, 鮮甜!
有 d 人天生對生活有要求, 只是一班朋友 bbq,
都要排到 d 海鮮靚靚的, 好似酒店咁, 唔該晒,
影相真係靚 d, 哈哈.
手掌般大的蝦
2 個爐一齊燒
大蝦勁多糕, 好 creamy 膽固醇萬歲,
耐唔耐萬歲好嘞, 少食多滋味, 多食壞肚皮.
燒烏頭, 肉梅欠魚油, 條魚唔靚,
無計反而大眼肉實更好食.
回味指數 : 9 分 (10 滿分)
燒完唔夠幾日, 即叫 encore, 再來一次.
地址 : 荃灣荃興徑13號地下
訂座電話 : 2334-4422
消費 : $73 /人
食評 : http://www.openrice.com/restaurant/sr2.htm?shopid=19494
成日經過這裡, 從來無發覺原來有間泰國菜館係度.
海南雞飯連湯
睇樣都幾靚仔o架
雞肉算滑, 自製醬汁好鬼惹味, 雞飯乾身幾香,
口感煙韌, 不過要1個食1碟都幾大鑊, 好膩滯,
大班朋友 share o黎食好 d.
燒豬頸肉
燒得好香口, 點醬汁食, 正.
咖喱牛腩
咖喱汁香而唔辣, 連唔食得辣既朋友都可以食,
牛腩好淋滑, 撈飯一流.
泰式鳳爪
夠辣夠酸夠洋蔥, 勁.
鹹魚炒芥蘭
炒河
炒麵.飯弊病, 比較油膩.
泰式拼盆
除左蝦餅 ok 外, 魚餅, 炸雞同春卷認真麻麻.
鹽燒烏頭
烏頭無咩黃油, 好彩燒香後, 完全唔腥, 魚好新鮮,
唔乾有魚汁, 只加了點鹽去燒, very good tast,
自已 bbq 都可以燒o架.
回味指數 : 8 分 (10 滿分)
泰國菜HK$73算抵食, 不過就唔好期望會坐得好舒服.
地址 : 尖沙咀厚福街9號1樓
訂座電話 : 2366 0234
時間 : 逢星期日 12.00pm – 5.00pm
消費 : $108 /人 (連加10%)
食評 : http://www.openrice.com/restaurant/sr2.htm?shopid=15287
厚福街即加拿芬廣場對面許留山行入去.
入口處
裡面有1排梳化位, 好舒服, book位時可註明.
室外細細的吸煙位
食物 order 紙只得呢一張, 一半是小吃,
另一半是甜品, 送一杯果汁, tea or coffee.
開放式廚房, 有興趣可以睇吓佢地點煮野.
環境昏暗舒服
水煮蛋配英國鬆餅(鬆餅好似蒜蓉包)
蛋黃切開好醬爆, 蛋黃加埋蒜蓉包+黑椒粉
+少許鹽食, very good.
食物好做得精緻, 八爪魚好正.
羊扒食左 4 塊, 有時煎得好好食, 有時太生有根,
下次去可要求全熟, 推介必試, 唔係好羶.
反而風乾火腿配蜜瓜認真麻麻, 火腿太鹹,
又唔油香, 一件夠, 反而紅菜頭伴西瓜仲好食,
味道好配.
煙三文魚PIZZA, 好多三文魚,
如果可以批底厚D仲正.
是日餐湯 - 南瓜忌廉湯 – 香濃幼滑的湯,
細細杯, 包唔會滯.
香辣炸雞粒
好乾好硬, 唔覺食緊雞, 可以不理.
家鄉香腸香軟, 唔鹹, 正.
蟹肉粟米沙律撻
又係好正, 撻皮鬆化到不得了.
芝士車厘茄串
芝士波 –外脆內軟, 芝士味濃.
和牛迷你漢堡 – 和牛肉汁好勁,
食完隻碟留有血跡, 不油不膩,
可惜每人限叫一個.
SECOND ROUND – 甜品
食左太多, 唔記得邊隻打邊隻 lu.
法式焦糖蛋又係"賣飛佛",
好彩呢度全部食物都細細件, 細細杯,
食多杯都可以, 唔驚食唔晒浪費.
香蕉 PAN CAKE
呢件香蕉拖肥批一定要推介比大家,
這家餐廳招牌甜品, 平時食飯一件成為 HK$48,
唔太甜, 又唔膩, 拖肥香滑, 成 2件己回本 LU.
芒果布甸
心太軟 – 朱古力熱滑香濃,
但個外殼卻焗得鬆脆乾身喎, 同唔係好甜.
3 種得別味道雪榚供應
薑汁雪糕 – 好味, 夠薑.
青檸檬 –有檸檬肉, 但雪糕超酸.
香茅 – 無試, 己經食唔落.
回味指數 : 9.5 分 (10 滿分) 計埋環境同價錢
$108 可以由 12.00PM 食到 5.00PM, 吹水一流, 去邊度揾? 食物算講究, 連賣相都整得靚靚才出場, 最好係廚師好注重食物本身原味, 唔會鹹死你或油死你, 全部賣相精緻, 細細件, 幾乎餐牌所有食物都可以試匀, 誠意推介.
