FCB ~ Placa Espanya

2016年5月27日 Barcelona ~巴塞隆納足球俱樂部FCB ~ Placa Espanya (住: Alguera Apartments Industria)

 無論你係咪球迷, 來到西班牙一定要參加觀的一個球場, 正常嚟講應該係要喺度買飛睇場波感受下十萬人球場的氣氛, 不過我地今次順利入嚟hea下, 完全冇買飛睇波嘅動機.

巴塞隆納足球俱樂部FCB

巴塞隆納足球俱樂部簡稱巴薩，是一家位於西班牙巴塞隆納的足球俱樂部，於1899年由瑞士企業家胡安·甘伯所創立，世界球壇頂級俱樂部之一。俱樂部主場諾坎普體育場可容納超過十萬名觀眾，是全歐洲最大及世界第二大的足球場。

自由活動時間, 本身唔係球迷, 入曬所有商店逛咗個圈唔使兩個鐘, 咁多時間有啲咩好做呢.......最好不過買杯咖啡坐喺露天茶座慢慢嘆住過日晨.

夜晚嘅球場在燈光襯托下其實真係好靚

西班牙隨隨便便食個lunch其實都唔平, 埋單都要成八十蚊歐羅.

超級市場嘅罐頭酒精類飲品就好鬼平, 一罐午餐肉唔使兩蚊歐羅

食完飯去沙灘行個圈散散步, 原來呢個係天體沙灘.

藍天與白雲, 喺度散步超舒服, 久不久還有啲裸女睇.

都話西班牙人熱情奔放假啦, 見到有啲大叔同美人係裸體對住個沙灘冥想.

Placa Espanya

西班牙廣場是加泰隆尼亞巴塞隆納一個重要的廣場，為1929年世界博覽會修建，位於蒙特惠奇山腳下。

非常壯觀的建築物

從上望下更覺得非常宏偉

過對面呢個咁靚既圓形商場逛街, 行完順便食個晚飯.

從商場望過去的西班牙廣場

估唔到夜景幾鬼靚, 可惜無WIDEANGLE鏡頭, 否則影出嚟嘅效果應該更加靚.

行程路線住宿及洗費請入:西葡之旅 ~ 正式啟動