辣屎把就之川熙樓

幾位辣妹又來一次辣屎把就之夜, 今晚選了尖沙咀的川熙樓.

麻辣冷鍋魚 $168

我地問服務員什麼是冷鍋魚? 用冰震方法嗎? 她說另一種叫法是水煮魚, 明晒. 辣椒、花椒、胡椒、辣油泡晒面, 看似好辣, 實則唔太辣, 食過數十次水煮魚之多, 魚這麼腍滑還是第一次, 水煮魚一般常用桂花、鯇魚、班之種, 好明顯口感不是這些, 好奇心驅使又問服務員, 她說是鯰魚, 唔係化?? 用超市十元八塊的急凍鯰魚? 雖然口感及味道係ok 的, 但聽完有點氣憤, 太無誠意了吧! 

蒜泥白肉 $78

不是用五花腩, 偏肥, 白肉用五花腩一層肥一層瘦才是正品.

三椒雞

雞件爆得好惹味, 正.

夫妻肺片

夫妻肺片即牛內臟, 用蒜蓉及辣油調味, 香香辣辣, 好鐘意.

酸辣羹

完全唔掂, 即不酸也不辣, 湯底泛味, 個獻埋得好差, 飲時竟然有粒粒獻, 攬咩呀?

辣子生蠔 ($248)

成隻碟佈滿紅椒, 又以為辣得會跳舞? No la 只有少許辣, 粉漿唔夠薄, 頗吸油份, 亦可能漿厚, 又或者蠔本身夠大, 所以仍能保存蠔的 creamy 口感, 至於價錢呢……4隻賣$248, 頗貴.

啤酒鴨

寡到不得了, 既沒有啤酒味, 亦沒有適當的鹹…甜…酸…苦…辣, 除左用寡字, 真係唔知點講其”獨特”的味道.

肥腸湯麵

乜條腸咁肥架? 腸…唔肥又點好食呢? 呢碗湯麵全晚最辣, 仲係勁辣個隻, 又係好可惜, 辣味好單一, 欠層次感, 只係死辣, 湯底除了辣味, 別無其他, 麵亦非常腍, 無口感可言, 可幸條肥腸幾好食, 有咬口又唔韌.

消費 : $300/人

真心見議廚師去一次四川學廚好了