吳哥窟攻略篇及資料篇

景點 :

1.     3天佛廟對我來說多了點, 第三天有點悶, 其實可將3天行程縮為2天, 選些有睇頭及愛看的, 個人睇完認為必去的有 : 小吳哥、巴戎寺、微笑、茶膠寺、癩王壇、崩密列、塔布蘢寺、女王宮、Tonle Sap Lake及聖劍寺, 當然各有所好, 最好自己睇吓我提供的相及資料才下決定.

2.     單車遊郊區值得捱介, 吳哥寺廟外的另類旅遊. 詳細請入 : http://www.butterflytour.asia/

3.     可到步才包 TUK TUK, 一天 USD15/可坐4人, 有冷氣私家車USD60天/可坐4-5人, 當然好似我地咁找個 AGENT 預定更好, 有乜不滿可以 WECHAT AGENT, 佢即時攪掂, 在當地有問題又可以打比佢問, 貼心服務, 我地找他安排 2天 TUK TUK 及一天私家車收費 USD90.

4.     部份寺廟一定要穿長褲, 捉好緊的, 用布包裹也不准入, 見議穿可拆的快乾褲, 需要時加番對褲腳.

食物 :

吳哥食物又平又好食, 街邊的平, 有些朋友擔心衛生問題, 我不太擔心, 覺得佢地既衛生意識不太差, 至少我地食左咁多日都未試過肚痾, 平均每人USD5己又蝦又魚, 火鍋更抵, 烤/火鍋雙拼3人食也不用 USD10, 又好食, 其他食物 EG 熱狗 USD1、生啤 USD0.5-1、 粉麵 USD2-3 不等, 推介 NIGHT MARKET 內的華人店

消遣

1. 按摩 ~ 街邊 USD2 /30分鐘起, 我是旦入一間, 手勢也很純熟, 超值, 有時服務員好有心機按令我雙腳疲勞盡消, 我也很樂意比 USD1 TIP.

2. 傳統舞蹈表演 ~ 連食物水準不差的自助晚餐才 USD12, 值得睇.

住 :

吳哥住宿好平, 靚些的 HOSTEL USD50/雙人房己很不錯, 不過對我而言, HOSTEL 只是用來訓覺的地方, 只要乾淨企理又唔嘈炒便可, 所以今次住的 Onestop Hostel只須 USD8/床位.

交通 :

市內以 TUK TUK 為主, TUK TUK 司機有些好鬼馬, 很懂屈人, 坐上 TUK TUK 前務必講清楚價錢及去地點, 如果說好也屈就不要屈服, 只須付確定了的$便走人, 唔想煩就請 HOSTEL 代找吧, 吳哥除景點外, 市內遊客區其實不大, 我地通常用雙腳行, 好少坐 TUK TUK.

上網電話卡 :

機場的出口處有店舖售賣上網電話, 數美金一張, 視乎用量, 我買一張 USD5 包1G 上網及本地 300分鐘通話, 對我這些不上網打機睇劇的人, 夠用有餘。

行程、住宿、交通請 click : 尋找建築瑰寶@吳哥窟