又見....營火虫

上年去睇時落雨, 所以見到營火虫不多, 今日超好天, 希望睇到好多好多好多營火虫啦.

集合前先去意八 ITAMOMO CAFE食個 tea 先有氣力行上山 (埋單 : HK$94)

雜菌珍珠飯, 味道好好, 珍珠飯好有咬口, 煙韌得黎又唔太油.

意粉就一般

6.30PM 出發, 行個零鐘便到達目的地, 全程斜路而上, 兼一點風也沒, 焗出一身臭汗, 點好人數伸入深山睇營火虫.

今年營火虫頗多, 行入引水道那 PART 最振奮, 180度閃呀閃, 左邊閃完到右邊…好正, 如果可以留耐 D 更好, 行山途中亦有零碎營火虫, 有些還在飛來飛去.

行番落山差唔多10.30PM, 係時候醫肚, 揀左黃大仙冬菇亭的小炒…醉和里

罪過罪過, 不過好味…哈哈哈 >>>>>

埋單 : HK$389