星級大廚@BLUEDUCK

長沙灣及觀塘私房菜越開越多, 不同菜式都有, 唔密密食真係追唔切, 今次又找來一間網評不錯位於觀塘工廈的 BLUEDUCK WORKSHOP晚飯兼談心。

BLUEDUCK 面積不大, 大約只有十張可按人客數目調動的中小檯, 裝修簡約舒服。

餐牌分小吃、主菜和飲品, 甜品最好訂位時預定, 我地不知, 始料不及, 沒甜品食, 我地總覺一餐晚餐缺了甜品不夠完美, 再三問服務員……她很好人, 幫我地問廚師, 幸好廚師首肯, 才能為這餐晚飯晝上完美句號, 如果你食套餐則包甜品。食物可散叫, 亦可加$80轉 SET DINNER, 包前菜、沙律、湯、飲品及甜品,設最低消費每位 $180。

小食:西班牙風乾黑豚豬腿 ($108)

風乾西班牙火腿, 散發陣陣油香, 脂肪分佈不錯, 入口鹹香甘軟, 不油不膩及絕不是死鹹那種。

小食 : 軟殼蟹沙律 ($98)

份量不少, 內有 4-5隻椒鹽軟殼蟹, 炸得香口惹味, 配清新沙律, 開胃前菜之選。

主菜 : 烤燒安格斯無骨牛小排 ($250)

這個主菜當然是我這個牛魔皇之選, 五成熟洽到好處, 切開沒血水, 看來廚師功力不錯, 牛排肉質嫩紅, 肉汁豐盈, 入口好嫩滑, 肉味亦豐, 牛扒用最簡單的海鹽調味, 個人覺得鹹味足夠, 所以伴碟的醬汁又被我閑置了,我自己煎高質牛扒也不過落海鹽調味而已。

主菜 : 慢煮油封脆皮鴨腿伴薯泥 ($180)

朋友的主菜, 鴨腿看似好乾, 切開才知龍與鳳, 腿皮好香脆, 好似食緊燒猪皮, 鴨腿肉出奇的嫩滑, 一點也不嚡口, 鴨腿烤前己醃過, 味道似淡口版德國喊猪手, 不過油封脆皮鴨腿就少少鹹多多脆, 食了人家好幾件, 有點不好意思呢。

比目魚意大利飯

甜品 : 薑汁燉奶配朱古力咖啡蛋糕追加甜品, 看來甜品是就地取材出品, 謝謝服務員及廚師, 薑汁燉奶薑味

突出, 牛奶味濃, 且燉得好滑又唔太甜, 可惜只比我放12張相, 否則上一張 CLOSE UP比大家睇就知有幾滑。

咖啡蛋糕

看似平平無奇, 咖啡香味又係出奇地出, 難得只有香濃咖啡味, 卻沒有咖啡的苦澀味, 蛋糕亦軟綿細滑, 甜度也適中, 睇黎呢間野既廚師係對食物充滿熱誠的隱世高手, 等我有時間上網起起他是什麼底子先。

薑蜜 ($22)

渴一口, 嘩左一聲,比我自己煲的薑茶更夠薑, 加上清甜蜜糖, 真係好好飲呀,看看杯底, 原來有好多薑片的, 怪不得咁夠薑啦。

服務員話下次我地想吃什麼可以預早打電話比她, 她們可安排 CHEF’S TAILOR-MADE MENU, 按食物報價, 例如想食生蠔, 一般 $200-280/一打, 視乎產地, 以今晚高質食材及廚師高班廚藝, 看來可以來一個CHEF’S TAILOR-MADE MENU。

埋單  :  HK$960