便宜日式放題@夢工房

食店位置十分方便, 位於葵芳地鐵站, 星期一 ~ 四任食2小時只須 $148, 另加$78可升級任食松葉蟹及生蠔。

跟一般日式放題運作一樣, order 紙分門別類, 喜歡吃什麼剔什麼。

飲品、雪糕及甜品自取, 仲有濃味榴槤雪條呀, 最窩心是有熱櫃, 放了維他奶, 菊花茶及汽水等, 不用被迫凍飲。

松葉蟹

有點失望, 蟹腳肉不爽口, 鮮味欠奉, 之後食蟹鉗就好好多, 蟹鉗肉較實且爽口鮮甜, 可惜無得淨叫蟹鉗部份, 所以只叫了一轉便收口。

羊架

羊架煎得香口, 有羊的羶香, 味道適中, 自食2件。

梅酒及日本清酒

沒期望下叫的, 一箱情願諗住只是一小杯, 便叫來試試, 誰不知瓶上, 梅酒夠凍, 出乎意料好飲, 有梅香, 酒沒梅的苦澀味, 加冰飲更好飲, 另日本清酒亦有米香, 順滑不搶喉。

壽司

食自助餐, 壽司及天婦羅我是從不霑口的, 大大舊飯, 吃幾件己飽2成, 天婦羅又油膩, NO WAY, 今次卻例外, 佢地既壽司係細細件, 壽司飯仲好好味, 黑松露及饅魚最好味。

另一亮點 : 藍梅芝士蛋糕, 芝士味香濃, 甜度適中, 又獨食了2件。

魚生拼盤

三文魚、鮑片、蟹肉、吞拿魚、墨魚、甜蝦等刺身, 以$148價位日式放題論, 刺身合格有餘, 三文魚色澤油光, 亦算肥美, 甜蝦新鮮, 略嫌蝦肉不夠爽口, 其他食味可接受。

這裡食物不算上乘, 勝在交通方便加上價錢進取, 當晚所見, 人流暢旺, 每檯埋單即有人客番檯, 如果你不是蠔客/蟹客, 可以不升級任食松葉蟹及生蠔, 以under $150 便可食一個日式放題, 食壽司、食羊架、 飲酒及食甜品都抵番。

平均消費 HK$150