花膠黨參猪展湯

材料 (3-4人份量, 可以選擇湯料 一或二是旦一個) ：

湯料 [一]  : 花膠5兩(發泡後計)、黨參1兩、猪展6兩、鮮准山6兩、杞子少許、北杞1兩、細江謠柱4粒, 此湯偏補.

湯料 [二]  : 花膠5兩(發泡後計)、黨參1兩、猪展6兩、乾准山2兩、乾百合2兩、無花果3粒、雪耳數朵, 此湯偏清潤.

制作：

1.     花膠浸過夜, 洗淨以薑蔥出水, 再洗淨待用, 可以一次過做多一點 放冰箱留待下次用.

2.     猪展洗淨飛水洗淨備用

3.     江謠柱洗淨, 用水浸軟待用

4.     煲滾水十碗後將所有去皮洗淨材料放下便可

新鮮淮山

用猪展煲湯無肥糕, 肉又香滑, 用瘦肉太嚡口, 難吞.

第一次煲滾後, 我一定會"不"走 d 泡泡.

為節約能源, 我用燜燒鍋, 呢個煲好安全, 唔會有蒸汽谷爆情況出現, 只要頭10分鐘明火煲湯後放入鍋內, 每隔1小時拿出來煲滾再放回入鍋, 來回多2次便可, 最後明火再煲10分鐘.

飲得, 所有材料淋晒…無牙都食得入, 啖湯香濃到不得了,花膠湯我的至愛,  滋補美顏而不燥熱.

功效：

花膠 : 含動物膠，為高蛋白及低脂肪食品，有補腎益精的功能，滋養筋脈散瘀消腫之功，若胃腸有問題的人不宜多吃。

黨參 : 能補中益氣，治虛損，食少體倦，久瀉，消渴。

准山 : 補血脈，滋腎固精，助消化，止瀉，歛虛汗。

杞子：滋養強身，明目補肝腎，平血壓，明目。