11月26日下午
去大皇宮前先食個 LUNCH
專注功課的小妹妹
午餐大廚
真你估唔到個湯底咁清甜, 配料簡單好味,
連粉絲每碗都係 HK$7.
咪睇檔口細細, 炒起餸嚟都好夠鑊氣O架 (HK$7).
飯後甜品 - 雪糕, 我唔敢食, 個FRIEND 唔怕, 食左佢少少, 椰子味濃, 但不及牛奶公司般滑.
剛食完, 泰式沙律及燒物檔殺到嚟.
燒魚………好想食, 又叫了一條,
魚燒得太乾太硬, 唔好食.
泰式沙律 -午餐大廚叫的, 泰國人好nice, 佢見我地係度 8 吓 8 吓, 問佢可唔可以食, 佢又好大方咁比我地食, 嘩! 好酸呀, 辣辣地, 幾醒胃, 不過學佢地咁食晒成大碟, 定胃出血.
大皇宮及玉佛寺 (入場費 : HK$83)
大皇宮建於1782年5月6日 ，當時，傳統的木製風格，是建立在所謂的「泰屋」。1783年起，大皇宮具體的建築物由卻克里王朝的歷代國王所建造，直到現在, 大皇宮建築群，帶有濃厚的泰國特色，金碧輝煌，是到曼谷的旅客首選的一個旅遊勝地。皇宮主體不對外開放，有衛兵把守。
玉佛寺建於1782年，歷史相當悠久，屬於泰國曼谷王朝開朝時建築，拉瑪一世是首位將泰國首都遷至曼谷的國王。他將玉佛寺視為國家守護的宗教聖地。在此地為王族舉行重要的儀式。寺中並沒有僧侶居住。
好偉大喔
晝師一筆一筆的畫上去.
好巨的守護神, 法力會唔會勁啲呢?
同埃及的 TEMPLE 有得揮, 跟團去埃及時, 好趕, 唔夠時間細心欣賞, 今次真係報仇咁報, 慢慢睇, 慢慢欣賞其巧奪天工的建築.
身處大皇宮, 人即時變得渺少了.
"金"寺塔, 睇到眼金金.
舉頭望寶石
可愛的小門神
行完大皇宮, 行過對面街邊睇吓有咩睇.
好似廟街的大排檔, 行左陣, 坐的士返酒店梳洗準備去食法國餐.
胡慧忠旅遊書又一老點之作, 教我地係 BTS:WONGWIAN YAI 站轉的士去大皇宮,要HK$44, 係大皇宮坐的士回 WONGWIAN YAI 時, 的士司機好 SURPRISE 咁同我地講, FAR AWAY, TOO LONG, YOU CAN GO BTS:SALA DAENG, 初時驚佢老點, 我問佢去 SALA DAENG 幾錢, 佢答 : BELOW HK$19, 差咁遠? 有錢你都唔賺? 有無咁好人呀? 於是同佢講如果 METER 多過 HK$19 都係比 HK$19, 佢又肯喎, 結果HK$17 落車.
返到酒店還早, 去附近啇場逛逛睇吓有無野買, 貨品都幾貴, 同香港百記價錢差不多.
啇場日與夜
沒有留言:
張貼留言