地址 : 灣仔莊士敦道 130-136 號
訂座電話 : 25739761
交通 : MTR 灣仔 c 出口, 即譚魚頭向前望.
消費 : $73 / 人
鋪面夠老餅吧, 大紅燈籠高高掛.
仲未夠"娘"? 裡面仲懷舊, 花燈都有
好鐘意這位置, 大字報再現, 唔該睇埋首詩, 好頂癮.
燒鵝 - 上檯時唔熱, 香氣盡失, 味道同一般酒樓差唔多, 鵝唔肥.
燒雞 - 皮炸得色澤金黃, 雞肉好嫩滑
最好係皮下脂肪唔會成寸厚, 我好少食雞皮, 今次算例外.
椒鹽蝦
酒樓每日一特, 今天椒鹽蝦 ($38), 蝦算新鮮, 炒得幾入味, 拭食.
辣酒煮花螺
咁大個女第一次食咁"大"隻花螺, 大到嚇左一跳, size 同女士手指公差唔多大, 味道 ok o既, 就係欠左d口感,同有 d 煩囉, 咁辛苦挑 d 螺肉出o黎, 都唔夠攝牙縫, 食食吓都無乜心機食
木耳炒牛肉 - 油左 d, 不過味道唔錯, 木耳爽口有益健康, 多食無妨.
雜菜煲
餐單 :
燒鵝
燒雞
辣酒煮花螺
椒鹽蝦
木耳炒牛肉
雜菜煲
----------
HK$440/6人
==========
食後感 :
食物有時除左食味道, 還會食埋感情, 好似依間酒樓咁, 好細個己經跟姑媽去飲茶, 縱然食物質素一般, 當聽到話年尾可能結業時, 總會想去食多次, 懷舊一番, 老店始終係老店, 環境會比新型食店差 d, 特別係個廁所, 忍到.........都費事去.
沒有留言:
張貼留言