路線 : 萬宜水庫東霸–浪茄沙灘–萬宜水庫東霸
行程 : 約2.5小時 (包HEA沙灘同影相時間)
難度 : * (最難行五粒星)
天氣 : 天陰.無雨.能見度低
交通 : 1. 西貢市中心乘94號巴士在北潭涌下車, 沿麥理浩徑第一段車路行入萬宜水庫東壩 (約行 2.5小時), 再轉入浪茄灣小徑行入浪茄沙灘.
2. 西貢市中心乘的士在萬宜水庫東壩落車 (HK$100/4=每人HK$25).
簡介 : 第一段環繞著西貢東郊野公園內的萬宜水庫南部而行，是一個舒適的開始，大部分路徑都是平坦的，只有小量略帶坡度的段落。此路徑的起點設於北潭涌，沿著西貢萬宜路走，經過萬宜水庫的東壩和西壩，路途上有很多支路直達沿岸的舊村，最令人讚嘆的是在終點處滿佈奇石的海岸，和經過一段斜路才到達的浪茄沙灘，一個可能是全港最富鄉土味的沙灘.
要知多啲 : http://www.hkwalkers.net/longtrail/chi/mtrail/mtrail_01.html
沿麥理浩徑第一段車路行, 吸廢氣, 我地選擇坐的士直接入東堤壩.
落的士遠望東堤霸及破邊洲.
沿車路行下去, 便是一排排的六角形岩柱群
萬宜水庫六角形岩柱群的形成全因1億多年前的破火山爆發, 大量湧出的岩漿變成不同種類的岩石而成.
從這角度看, 一點都不像六角形.
從這角度看, 有點像樣 - 六角形柱.
那為什麼岩漿會埋出六角形?? 原來很有趣味.
話說這破火山口曾連續數次火山爆發, 當地底巨大岩漿庫的岩漿火山灰.碎石噴湧而出後, 岩漿庫變得空洞, 火山口缺乏支撐而下陷, 形成巨大凹位, 當凹位載滿大量溶岩和火山灰, 火山灰直接接觸空氣後迅速冷卻, 并平均地收縮, 物理上最有效的冷卻是從六邊向內收縮, 所以形成六角形, 而岩石亦同時向下收縮, 故形成柱狀, 經億萬年後, 係億萬年後, 終於成仙>>>>>>>演變成-----萬宜水庫六角形岩柱群, 真係得來不易.
好嘞, 輪到啲鬚鉋形石柱, 究竟係乜東東?????? 原來係用來起堤霸的巨型錨形石, 每塊重25,000 公斤, 中央的臂桿扭成直角, 用來互相扣鎖, 以作吸納海浪的沖擊力.
咁呢啲石洞碇又要O黎做咩??? 資料無講到, 我估可能啲洞都係用來瀉浪的衝擊力, 段估不會用作玩捉迷藏啩??, 不過又真係裝得落一個人, 我同朋友都有跳落去影相.
成條東堤霸由7000塊巨石組成.
遠望石柱群都好宏偉.
水-清澈見底.
玩完一輪, 下一站, 我極之心儀的浪茄, 呢度有個好處, 落的士只有兩條路行, 向左行去東霸, 向右行去浪茄, 直路一條, 絕對不會迷路.
路十分易行, 行了不到兩分鐘, 見到一排好似生了銹的石柱群.
望向對面都有石柱群.
再行10 分鐘左右, 已見浪茄.
水是綠色的, 沙灘月半灣形, 望下去很美, 如果能見度高點, 有點陽光, 天藍水綠沙白, 一定很迷人.
從外望入浪茄戒毒中心, 烏語花香, 好似小瑞士咁靚.
話咁快就到沙灘了.
好值得去, 最好就係景點靚, 六角石柱群夠特別, 又唔辛苦, 適合一家大細.
所有資料來源 : 香港漁農警署及明報
沒有留言:
張貼留言