艷麗鳳眼蘭

原本無諗過去睇近期大熱的鳳眼蘭, 昨晚突然抽起條根想去睇吓咩料, 今日早上喇喇淋攪掂 d 野, 難得同一傻配合到時間係元朗集合一齊去郊遊, 原本想放她飛機都唔忍心.

面積頗大

鳳眼蘭……. 艷麗嗎?

又係度交配中

隔離的芒草都唔輸蝕……很柔麗

係度拍左好多獨照, 好耐無咁自戀了.

一傻話佢有朋友係魚塘影日落好靚, 我地又唔知定, 好彩問呢位正在放狗的哥仔, 路程于回, 佢好好人話帶我地去, 可惜行左一陣…好多狗, 又要誇草叢, 最終我地都係放棄, 多謝呢位有心人帶路.

行唔到去靚靚魚塘, 出番水尾村小巴站其實也有一個魚塘可影日落.

未到日落時份, 去買飲品先…..左穿又插都未見士多, 近那間又無開, 都係算把啦, 費事錯過日落.

今日日落一般, but 我同一傻都好享受今次的即興郊遊, 有美艷鳳眼蘭, 又有柔情芒草.