扒艇美食團

睇標題, 好明顯今日美食為主, 扒艇配角,  前晚8號風球, 諗住今日應該要跟大風大浪博鬥, 早餐要食飽 d.

意料之外…今日風和日麗, 藍天白雲, 多謝老天爺爺.

風平浪靜, 扒得好舒服.

今日呢樹又係無人沙灘

掘陣蜆, 浸陣水, 玩吓自拍,   真梳肝.

今次意外地發現左個世外桃園般的小灘

水清澈見底, 可惜無帶浮潛用具, 借了朋友仔的潛鏡閉氣玩左幾下, 水質晶瑩剔透, 珊瑚及魚魚也清晰可見, 我第一次係香港見到咁靚水質.

水色分明, 白、藍、綠, 同菲島有得揮, 最正係我地包晒成個小灘麻, 點玩點影都得.

執 d 竹開 tent ……為乜

為食囉

今天美食 list :

水果冰紅茶

醉雞亦

鼓油雞亦

冰菠蘿

涼伴秋葵

三絲炒麵

炒粉絲

韓式飯卷

咖哩猪皮/魷魚/魚蛋/蘿白

綠茶豆腐布丁

冰哈蜜瓜

車尼子

罐頭菠蘿

午餐肉

冰蟹柳

今日美食多得很…多謝準備食物的朋友仔, 辛苦晒, 我預備的冰哈蜜瓜相對簡單很多, 今天有幸食到傳說中的一男子好味咖哩猪皮/魷魚/魚蛋/蘿白, 果然名不虛傳, 好惹味.

今日的收穫, 當然即煮啦, 肉細但味也鮮, 係鹹左d.

食完玩水, 30幾度, 烈日當空, 又估唔到今日既水咁涼浸浸… 跳落水第一下, 直頭有 d 凍添.

玩完水…係度掘 d 蜆回家.

hea到4 :00pm, 回程了. 

明天加少許九層塔及龍眼酒, 蜆鮮甜味出晒黎, 正抖非常.

I love 扒艇 >>>>>>>>