色達.稻城.亞丁資料+攻略篇

事前準備:

*今次行程大部份 3500海拔以上活動, 以防高山反應影響行程進度, 強烈建意團友食Diamox (學名為 Acetazolamide),  問過醫生, Diamox 無乜深遠副作用, 即時副作用係利尿及手腳麻痺, 頭2日食, 每隔1小時要痾1次尿咁滯, 飲一啖水痾番二啖份量出黎, amazing, 第二 ~ 三日習身體適應左後就去少左,  手腳麻痺我又好少, 基本上食左全部團友無嚴重高反, 我就活動如常, 大家最好去睇開的醫生度攞, 因有某些病是不能服用的.

*當地天氣乾燥, 太陽猛烈, 防晒用品及保濕用品必備.

*早晚溫差大, Gortex, 羽裓及爪毛少不了, 如果你係怕凍人士應該帶多件 SUPERWARM.

*帶電筒, 鄉下地方少光污染, 仲成日停電.

*消毒濕紙巾, 特別係無熱水沖涼的時候, 抹手、抹身、抹腳都得.

*個人用品 eg 牙膏牙刷, 毛巾, 拖鞋, 洗衣粉, 衫夾… hostel 一般唔供應.

*坐墊…對我黎講好重要, 長途車旅行必備必備.

*高能量食品 eg 朱古力、能量棒等救命食品.

*帶備手襪、mask、頸巾

  

當地實況及攻略:

色達

1.     平均4000海拔, 住宿供應少, 旺季出發前見意必須預訂 hostel.

喇榮賓館不能預訂, 我地今次住扶貧招待所 (RMB70/4人房床位), 詳情請入 : 中國最美麗的鄉村@丹巴

2.     高位置勁大風兼凍, 手襪、頸巾必備.

3.     動作要慢, 不要過度活躍.

4.     拍銀河要帶腳架

5.     三餐不用擔心, 亦不貴, 方便飯合RMB20, 齋自助餐 RMB19, 抵食到暈.

6.     去睇天葬要帶 MASK 防臭

7.     主要景點五明佛學院隨山頭路行走動己可, 去睇天葬可以叫旅店安排拼車.

8.     五明佛學院有包車返成都, 可與其他旅客拼車, 約百多元, 視人數多少而定.

稻城

旅遊區大城, 一般食、住條件較好, 10月旺季旅店全 full, 最好亦先預我地住 : 稻城拼音藏庄 (RMB320/雙人房), 詳情請入: 巧遇川藏兵出征@川藏公路

亞丁

1.     住宿篇;

想住好D又想方便食同泡 COFFEE SHOP/BAR的話, 可以住亞丁村, 不過就熱鬧 D及光源勁D, 想寧靜點…可以好似我地咁住半山 的亞丁龍門客栈 (RMB260/雙人無廁房), 詳情請入 : 轉戰亞丁@亞丁,  此外上景區亦方便, 最好是夜晚無乜燈光, 行出 HOSTEL 己可看到銀河及滿天繁星, 亦有小炒、熱飯供應, 房間就差左d, 亦無涼沖.   

2.     交通篇;

A.   環保車 (RMB120/3日2夜任坐連門票同買) 6.00AM 由景區入口開第一班車, 終點係沖古草坪, 中途可以叫司機係你的旅館最近點落車.

B.   電瓶車(RMB80來回), 沖古草坪去洛絨牛場 7.30 – 19.00, 買票時要問清楚時間, 因我看售票處張貼的服務時間係 7.00-18.00, 但事實係7.30 – 19.00, 真吹賬, 當然你也可以省卻RMB80, 由沖古草坪沿貢嘎銀河行去洛絨牛場, 不拍照又行開山的話, 估計約 2-3小時己可.

C.   馬幫 (來回 RMB300)– 由洛絨牛場上牛奶海及五色海, 如果你一定要坐馬上五色海, 可考慮以下3個方法; 

1.   住牛場, 早點去排隊, 不過牛場住宿環境更惡劣, 亦會凍到 PK, 同樣唔包你一定租到頭班馬, 但就應該可以租定第二段出發時間的馬, 全部只有30隻馬, 每天來回走三轉.

2.   自己行上去, 我那7位團友仔 8.00 – 15.00 己可來回, 由於高原地帶向上行, 路亦不好走, 體力要求相對較高.

3.   請當地人幫你去排隊租馬, 代勞費(手續費)不清楚.

3       觀光篇;

上牛奶海要預1日來回, 沖古寺、珍殊海及亞丁村1日, 如果你想好似我咁由牛場沿貢嘎銀河慢影、慢行落沖古寺又要1日, 加埋CUT頭CUT尾最少要4日.