遊遊蕩....牧羊少年

原本約左2 傻11.00am去石崗賞木棉, 所以早上背左部大相機同屋企人飲茶, 諗住飲完茶就閃去, 結果飲完茶… 落狗 A~ing, 橫風橫雨被困天橋.

雨停左又無得去石崗賞木棉, 橫掂"咩"左部機出黎周圍蕩吓影吓都好, 當運動.

諗住影水珠, 可惜天黑又大風, 對唔到焦.

哈…竟然飛來相思鳥

桃花開 (較早前影的)

現在結出很多桃子來

木棉樹又高又天暗…手震呢

連等雨停, 蕩左幾個鐘, 諗起友人話葵青劇院最近開左間牧羊少年, 特意來 high 個 tea 先返歸.

鐘意 hea牧羊少年係因為佢地有好多旅遊書睇, 一個人來很寫意.

Cappuccino

廚師沙律配新鮮什果乳酪

正確! 鬼仔…你呢+先知太遲喇…哈哈…

Tea set $49 可以係度消磨 2小時, 咖啡同食物又唔錯, 超值.

老上海飯店

 唔知係我期望過高定係我地叫唔中佢地好食既菜式……除左3小食同小籠包外, 其他小菜好唔掂.

醃製蘿蔔+香炸花生

醃蘿蔔個醬汁好得, 蘿蔔醃得入味又爽脆.

燻蛋

流心蛋黃好誘人, creamy, 煙燻味勁濃郁, 可能我鐘意輕煙燻的淡香, 這個太 over 太搶了, don’t like.

砂鍋粉皮魚頭

冬荀+冬菇+肉片+魚頭+粉皮+醬油 = 好鹹呀, 湯頭除左鹹味, 完全無湯應有既味道, 粉皮索滿鹹汁…鹹到口都嚡埋, 竟然食剩好多, 浪費都無計, 成 $280 一煱原來可以差成咁.

炒豆苗

脆綠鮮嫩, 可惜碟頭細到呢… 4條友每人夾一次己經所餘無幾.

3拼小食

花雕醉雞,雞肉滑, 酒味淡香, 肴肉少肥清香, 燻魚魚肉鬆軟可口, 醬汁鹹甜適中.

小籠包皮薄餡靚, 肉汁鮮味, 必食.

京都排骨完全唔掂, 肉汁分離.

銀絲卷

埋單 : $810 (無下次…除非有人請)

金坊泰國美食

行完山…大家有 quota 開懷食番餐

 泰國象啤

1 jar 無諗過大得咁交關? 係喎, 好彩係生啤, 夠凍清爽, 爽呀.

芒果沙冰 - 芒果味太淡

燒雞

海南雞 -滑雞

甜酸烏頭

烏頭炸得脆而唔乾, 甜酸汁惹味非常, 送飯一流.

鹵水豬手

夠淋夠味

蝦膠皮蛋

蝦膠料重手點更好, 食落無爽口彈牙感覺.

泰式燒猪頸肉

泰汁特色, 清爽惹人好感.

串燒 - 雞、牛、豬 ,  I LIKE 牛.

蒜蓉炒椰菜苗 – 咁老都叫苗?

馬拉盞炒雜菜

椰青水糕及香芒椰汁糕 

送我甜品, 算很好.

埋單 : $1,050

香港千島湖

 要在無障礙高處睇千島湖 (大欖涌水塘), 行上去 4 星級, 辛苦難行, 個個怕怕, 所以今次多謝行山高人帶我地轉行呢條較簡單路線博一博, 雖然行山高人未行過…又唔知睇唔睇到傳說中的…香港千島湖, 茶實無咩所謂, 假日郊吓遊都唔錯, 睇到就當 BONUS.

沿途石屎路腳底無瀉力, 行得令人有點累同腳痛.

沿途勁多蝴蝶飛舞, 只係影佢唔到, 呢隻藍點黑蝶好靚.

無葉白色紫荊花…密集的蝴蝶圍住花花飛呀飛

為未知的千島湖努力>>>加油

嘩…上左半個就有收成了

今日天色很好, 但唔夠高清, 煙霞重.

如此美景…收貨了

傳說中的…香港牧羊人原來在此, 半個山頭都係羊咩咩.

黃昏落了山, 行出路口搭車出荃灣晚飯.

今日有進步, 6小時行左 18公里, 消左 1130卡路里, 今晚有 quota 食餐勁.