端記飲早茶兼HEA行

上次行谷埔大家興致勃勃話想去川龍
飲茶行山兼飲香港出品鮮奶,
 攪手真有效率…雖然上個月先飲完奶奶同行過 e 條山線,
郊遊樂…令人健康又快樂, 行幾次都無妨,
反正…山路行完我好快己無晒印象.

 川龍端記較有名

上次黎食唔到川龍出品新鮮西洋菜好失望,
 今次食夠 2 碟, 菜好嫩兼有菜味,
可能今日天氣 ma ma,
無左平時星期六.日既人山人海.

牛柏葉好正

20幾碟, 7條友飽到上心口, 

每人$47,  d荼仲幾好飲, 抵到爛.

食完好行喇

起程全上樓梯…不過唔會辛苦得去邊,

因為全程只須 2 小時, 可以慢慢行.

昨晚落完狗屎, 今日空氣特別清新, 草樹都零舍綠過人.

落完雨, 泥路有點滑, 要好小心行.

雨後成品, 今次沿途最多見既係小瀑布.

猪龍草