鮮制健康無糖乳酪

乳酪好處 :

乳酪含豐富活性乳酸菌，是一種存在於人體內的益生菌，能抑制體內害菌的繁殖能力，有助維持腸道健康。活性乳酸菌更能幫助合成腸道中的維他命Ｂ雜和維他命 Ｋ，可以加強營養素的代謝和吸收，從而增強抵抗力。除了能增強抵抗力之外，乳酸菌更能促進腸道蠕動並將身體的糞便排出體外。

材料非常簡單, 買合1公升就一家大細都夠食, 我一個人食, 2 合 250ml 可以食足一個星期, 頭個幾次全告失敗…乳酪變酸奶, 近幾次己100% 成功, 同大家分享吓以下必勝心得;

用具 :

1000 ml 有蓋保鮮合一個

真空煲 / 電飯煲一個 (網上有外國人用熱毛巾蓋一晚都成功) 

材料 : 1公升全脂鮮奶 or 500 ml 全脂鮮奶 (不要放雪櫃, 要窒溫)

做法 :

1.     將3 湯匙乳酪 (要註明有活性乳酸菌), 加少許奶放保鮮合攪混, 再將其餘鮮奶加入攪混, 500ml 用2湯匙乳酪己夠, 每次食剩 2 湯匙留番下次做種就得, 唔洗再買乳酪, 我通常做 4 次就會停一停, 再整會買杯新的乳酪.

2.     用水煲煲水至 50-60度 (靠經驗估計), 約將水煲至有少許煙出便可.

3.     將蓋好保鮮合鮮奶放入真空煲, 將50-60度溫水倒入至保鮮合 7 成高, 蓋好合蓋後放 8 小時以上即成, 通常我晚上整, 明天早上即成, 取出保鮮合後, 我通常會先倒出水份才放雪櫃.

這個效果用蒙牛, 美國奶, 牛奶公司, 十字鮮奶, 乳酪比教希, 唔結實.

這個結實效果是用保利, 雖然貴$3-4 六合,

不過做出的乳酪較香滑結實.

日日食乳酪, 健康又快樂, 大家不妒試試, 無糖雖有益,

不過唔係個個可以接受, 加少許生果或蜜糖拌食就非常可口了.

乳酪食法及註意事情請入;

米施洛-乳酪詳解