地址 : 新蒲崗康強街25-29號地下
訂坐電話 : 2320 7020
埋單 : HK$1840
乜鬼都話"米猪蓮", E間都係"米猪蓮",
食店又唔覺間間好食同啱胃口囉.
前菜
二十蚊碟, 好彩認真 check 單, 收多左 double, 前菜收我地 $160, 胃口可真大, 收少 4 碟都要 $80, 好貴的前菜, 夠我係其他小店食多 2 碟餸.
金錢雞 (每人半件)
叉燒+鵝(鴨)肝+肥肉一大件, 好膩吓, 肥肉只係敢食半件, 同蓮香樓及蓮香居比較, 個人較鐘意蓮香居, 最少件肝厚而不膩, 甘香.
鴨腳包 (1開 4)
第一次食, 比起金錢雞無咁肥膩, 食落口...既唔甘又唔香, 味道唔太特出, 唔知 e 碟菜賣點係乜呢?? 聽說包住食材的是鵝腸, 相信賣的應該是手藝吧.
蝦子柚皮
最差勁的一碟, 炆(扣)得一 d 都唔入味, 味道怪怪的, 食完口寡寡, 有 d 作悶……阿媽炆得好食過佢地百倍, 我諗我只係用蠔油去扣都會好食過佢, 把鬼.
叉燒拼燒鵝
E 個雙併最搵笨, 賣 $198, 貴成咁, 單叫好過,
又唔覺得好值 e 個價, 同美心燒味差唔多.
古法太爺雞 (半隻)
淡淡味道, 雞有雞味 ^^
粉絲煲
原籠蝦糯米飯
我都係傳統d , 鐘意食蟹糯米飯,
蝦香鮮同蟹香完全無得比.
山楂咕嚕肉
完全食唔出山楂, 當一般咕嚕肉食好了,
味道還是不錯, 咕嚕肉有點乾, 皮卻好脆口
啫啫芥蘭
"謝"住上菜, 唔香有鬼, 好食, 講起啫啫…
有 d 掛住馬會既啫啫生菜煲, 好耐無食,
要搵吓 d 舊同學開飯先.
原籠羔蟹糯米飯
糯米飯唔夠蒜香, 過濕, 不過蟹的鮮香搭夠, 雖然得一隻大蟹, 糕卻很多, 肉都唔少, 每人都食到少少蟹.
西米布甸
阿姐真醒目, 上檯第一件事唔無幫我地分布甸,
而係問我地係唔係要影相先.
布甸從來不是我杯茶, e 度唔算好甜,
食得落所分配的, ok 的.
桂花糕
送的, 不能要求什麼, 有淡淡桂花香便是了.
回味指數 : 7分 (10 滿分)
試一次夠了, 除非有朋友好想去試……
沒有留言:
張貼留言