交通 : 屯門良景村巴士總站行約15分鐘
天氣 : 陽光普照, 氣溫30度, 好熱.
裝備 : 手襪 + 防滑拖鞋
於良景村巴士總站行約15分鐘, 便到達行入澗的山路, 唔識路問問良景村村民點行入去, 大部份都識指點你迷津, 點解? 睇落去 lu.
行左無幾耐己經要行風化左既石,
泥路, 處處塌坊下陷.
又話全港最 easy 既澗, 比人昆左,
一開始落澗都咁激, 斜成咁, 點行呀?
洗濕左個頭, 都要行啦, 好彩有繩,
唔係隨時"look"落山.
終於安全落到澗, 真係腳震震.
目的地為高處的瀑布
途經好多大大小小的山泉
喔!!! 又要向上爬, 人生也.
好熱呀>>>> 係度泡個泉水先再上.
嘩!!! 溫泉呀………我就想 :p
係度泡山泉, 涼快至極點, 也不錯吧.
玩到咁上下, 準備午飯.
什丸菜米線, yummy.
食完飯, 泡番個山水靚荼嘆番吓先.
E 度就係較上游的山泉, 大到好似泳池咁, 可以係度游水.
貪新鮮, 想落 e 度泡.
好斜吓喎, 安全既, 有繩輔助,
爬上爬落有 d 玩自己, 不過好好玩呢.
青大石澗寬闊開揚
係度泡吓山泉, 游吓水,
做吓水力按摩, 真不錯.
落山時見有好多村民, 大樽小樽咁o黎攞山水,
所以好多村民都識o黎.
我問大叔係唔係用o黎做生意, 整山水豆腐花賣, 佢話水喉水無益, 食山泉水好喎, 其實下游山水被污染左都唔知啦, 香港自來水較安全噃.
好玩指數 : 9 分 (10分為滿分)
第一次行澗, 行去澗的過程, 己覺得好激, 行澗爬上爬落又好好玩, 雖然好玩, 但行澗對我 e 個老人家風險實在大高, 下次咪攪.
沒有留言:
張貼留言