薑汁撞奶

材料 :

薑汁 (隨意)

維記高鈣低脂奶 (一盒一碗, 維記撞出來效果最好)

糖 (隨意)

 

 

薑洗淨去皮, 磨汁, 得汁隔渣, 薑汁放入碗內.

奶倒入煲加糖

開慢火, 邊煲邊慢攪, 煲至煲邊起細泡即關火.

準備一個器皿用來拉奶, 我用湯碗, 如印度拉奶茶舨, 來回拉奶其 8 次, 跟住倒入有薑汁碗內.

不要移動, 待奶凝結, 便可食用, 你見有黃點及泡泡在奶面, 係因為我懶, 薑汁無隔渣, 亦無拿走泡泡.

有得食, 好香滑, 滑過豆腐花,正.

秘訣:

1.    如果請人食要靚仔啲, 薑一定要隔渣.

2.    撞好的奶倒入碗時, 一定要一次過倒入, 倒入後不要再加, 否則撞奶不會凝結.

3. 奶撞入碗後會有泡產生, 想凝結得靚仔啲, 一定要用荼匙拿走泡泡.