勁難食的海鮮@洪記海鮮

不嬲自覺西貢海鮮是遊客專享……又貴又唔好食, 沒必要真的不會在西貢吃海鮮, 今日行山比預期遲了2-3小時完成, 出到西貢己6.30pm, 大家又累又餓, 便入了這家, 心諗…能在碼頭附近頭2間鋪站得住, 應該不會太差吧, 結果…

大家想快, 叫了個$2180/8人餐.

白灼海蝦

好新鮮, 蝦肉爽甜有彈性。

pan lang=EN-US>.

薑蔥焗蟹

大量薑蔥炒得好香, 蟹肉實淨爽口, 有少許鮮蟹應有的海鮮甜味。

芝士龍蝦伊麵

食海鮮食剩龍蝦真係前所未有, 今日還是第一次, 龍蝦像用處理雪藏食物之飛水法處理過, 烚完龍蝦後加芝士汁撈混上檯, 龍蝦完全無蝦味, 蝦肉又老, 芝士汁不香不濃, 無里味道。

椒鹽賴尿蝦

餐牌又話大賴尿蝦既?! 你地望也望得到賴尿蝦殼內, 是無肉的, 打開蝦殼只有一片薄薄的賴尿蝦肉, 還梅梅地的, 椒鹽味道正常。

清蒸海上鮮

這條應該是班, 上檯時己骨肉分離, 魚肉爆開了一梳梳, 一看便知過了火喉很多很多, 老得很, 豉油汁也不討好.

蒜茸粉絲蒸扇貝 

白白的上檯, 連最基本啤油廚師也省卻, 扇貝也像白烚完放些豉油再加蒜茸粉絲便上檯, 扇貝其實好大粒肉, 但老過我, 怎樣形式好呢? 像浸過的江謠柱, 抽走了江謠柱的所有味道剩下那團謠柱肉, 堅有嚼口, 只是沒有味道而已。

清蒸鮑魚仔

陳皮欠奉, 鮑魚仔還可, 咬得到, 也有鮑魚仔應有味道, 豉油汁就… 豉油加稀水。

白烚芥蘭

成條菜苗樣子, 我們又錯了, 原來真身是菜苗的太麻來的, 白烚果然係白烚, 丁點多餘的味道也沒有的。

另叫了2枝啤酒, 紅酒是自己買的, 買前問服務員是否免開瓶費, 她說收 $50, 但可以免比我地, 便去買, 埋單時 check單卻照收, 原本開心$每人比多幾塊錢無所謂, 但今晚餐海鮮每人比 $305 吃這”高質”的貨式, 己經非常揼心, 今次不肯就犯, 我說是那位姐姐說免開瓶費我才買紅酒來, 請改單。  

我地係度研究什麼原因煮海鮮也難食如此? 又為什麼咁難食仲做得住? 最大可能只有2個 1. 今晚廚師同老板炒大鑊, 在倒老板米。2.專做自由痕生意, 唔好食也不會廣傳, 因為佢地食完己返回老家, 我地今晚做左猪仔。